བཀླགས་གྲངས་མང་ཤོས
-
ཆུ་མོ་གངྒྰ་ཤག་ཤག་རྒྱུ་བའི་དུས། ། སྟོན་ལོ་སེར་པོ་ལྷབ་ལྷུབ་འཕུར་བའི་དུས། ། གནམ་སྔོན་སྤྲིན་པ་རླུང་གིས་གཡོ་བའི་དུས། ། བ་གླང་ཁྱུ་ཞིག...
-
སྟོན་པ། ངའི་གཟན་སྣེ་མེ་རུ་འབར་སོང་། ཁྱོད་འཇིག་རྟེན་དུ་བཞུགས་དུས། གྲྭ་པ་རེ་རེའི་གཟན་སྣེ་རུ་ཞི་བདེའི་རླུང... -
མདང་དགོང་རྨི་ལམ་ཟ་ཟི་མང་ ཡང་ཁྱད་མཚར་བོ་ཞིག་ནི་དགོན་ཆེན་ཞིག་ས་འོག་ཏུ་ནུབ་བསྡད་ཡོད་ཅིང་། དགོན་བདག་བླ་མའི་ཞལ་རས་ལ་སྐྱོ་གཉེར་དགུ་བརྩེགས་ཤིག་བ...
-
ཨ་ རིར་ འབྱོར་ ནས་ ལོ་ མང་ སོང་ བ་ དང་ ། ། ཕན་ མི་ ཐོགས་ པའི་ ངོ་ ཤེས་ འགའ་ ཡང་ ཡོད། ། ད་ ནི་ སྒྲོ་ ལོར་ ལྗང་ ཁུ་ གསོག་ དུས་ འདིར། ། སོ...
-
མདང་དགོང་རྨི་ལམ་ཅུང་ཟད་ ཉུང་ཞིང་ད་ལྟ་དྲན་ཡུལ་དུ་གཅིག་ཀྱང་མི་འདུག ཆུ་ཚོད་བརྒྱད་པ་ཙམ་ལ་གཉིད་ལས་སད་བྱུང་། ཁྲུས་ཁང་གི་སྒེའུ་ཁུང་ལས་མཁའ་དབྱིང...
དྲ་རྒྱ་བཟོ་བཀོད་པ་བསོད་ནམས་འོད་ཟེར།
About Me
- སྨྱོན་པའི་འཇིག་རྟེན།
- མི་ཚེ་འཁྱོལ་ཙམ། ཡིག་ངོ་ཆོད་ཙམ། རྡོག་ལམ་མཐོང་ཙམ། ཤི་མ་གསོན་ཙམ།
Sunday 13 March 2011
ཏག་ཏག་ཉིན་གུང་ཞིག་ལ།
རྒན་རྒོན་ཚོས་མ་ཎི་འདོན་པ་དང་།
བྱིས་པ་དག་རྩེད་མོར་རོལ་བ་སོགས།
སྐྱེ་འགྲོ་ཀུན་གྱིས་རང་འཁྲིའི་ལས་ཀ་སྒྲུབ་བཞིན་པའི་ཉིན་གུང་ཞིག་ལ།
གློ་བུར་དུ།
མུན་པ་དེའི་ཀློང་ན།
འཇིགས་སུ་རུང་བའི་འདྲེ་སྲིན་ཡོད་ཐག་ཆོད་རེད་ལ།
མུན་པ་དེའི་ཀློང་ན།
བཟློག་ཏུ་མེད་པའི་འཆི་བ་ཡང་ཡོད་ངེས་ཅན་རེད།
མུན་པ་དེས།
ཐག་རིང་གི་རྒྱ་མཚོ་དང་རི་ཚོགས།
ཐག་ཉེའི་གྲོང་སྡེ་དང་སྒོ་ཕྱུགས་ཡོད་ཚད་བསྒྲིབས་ཤིང་།
མུན་པ་དེས།
ཕྱི་རོལ་གྱི་ལྷིང་འཇགས་དང་།
ནང་རོལ་གྱི་བརྩེ་དུང་ཡོད་ཚད་ཀྱང་བསྒྲིབས་སོང་།
མུན་པ་དེས།
ཕོ་མོ་མེད་པར།
རྒན་གཞོན་མེད་པར།
སེམས་ཅན་ཡོད་དོ་ཅོག
སྐད་ཅིག་དེ་ཉིད་ལ།
བསམ་དབང་དྲན་དབང་མེད་པར།
མུན་ནག་གི་ཀློང་དུ་བཏུམས་སོང་།
འཇིག་རྟེན་འདིར་མཚོན།
འོད་སྣང་རྟ་རྔ་ཙམ་ཞིག་ལ་ཡང་།
གསེར་སྲང་སྟོང་གི་རིན་ཐང་ཡོད་ཅིང་།
ཚེ་སྲོག་སྐད་ཅིག་མ་ཞིག་ལ་ཡང་།
ཞེན་ཆགས་ཀྱི་གཏམ་རྒྱུད་སྤུངས་ན་ཡང་།
མུན་པ་དེའི་ཀློང་ན།
དེ་དག་ནི་ཇི་འདྲའི་ཉམ་ཆུང་བ་ཨང་།
དེ་དག་ནི་ཇི་འདྲའི་ཅོལ་ཆུང་བ་ཨང་།
གང་ལྟར།
མུན་པ་ནག་པོ་དེའི་ཀློང་ན།
སྲོག་ཆགས་དུང་ཕྱུར་དང་དུང་ཕྱུར་གྱི་འཆི་ཁའི་འོ་དོད་ཐོས་ཐུབ་ཅིང་།
མུན་པ་ནག་པོ་དེའི་རྐྱེན་གྱིས།
སྙན་ངག་ཁྲི་ཕྲག་དང་ཁྲི་ཕྲག་གི་བརྗོད་བྱ་གསར་དུ་རྙེད་སོང་།
སྙན་ངག་རྙིང་པ་འདི་དེ་རིང་ཡར་སྐྱར་དྲ་ངོས་སུ་འཇོག་དགོས་བྱུང་སོང་།
Subscribe to:
Post Comments
(Atom)
0 བསམ་ཚུལ་འདོན་པ།:
Post a Comment