ཚོལ་གཤེར

དྲ་ངོས་བཀླགས་གྲངས།

བཀླགས་གྲངས་མང་ཤོས


དྲ་རྒྱ་བཟོ་བཀོད་པ་བསོད་ནམས་འོད་ཟེར།

རྟག་བརྟན་གྱི་སྙན་ཚིག

—མཛའ་བོའི་དུས་ཆེན་ལ་ཕུལ་བའི་ཤིས་ཚིག
སྟག་ཤར་གཞོན་པའི་བྲང་གི་ཤ་རྒོད་དང་། །
སྨན་ཆུང་བུ་མོའི་བྲང་གི་མྱོས་བུམ་གཉིས། །
འཇིག་རྟེན་སྣང་བས་གཅིག་ཏུ་འདྲེས་པ་ཡི། །
མཛའ་བོའི་དུས་ཆེན་བསྐལ་པའི་མཐར་ཡང་དྲན། །
གསེར་གྱི་རྣ་རྒྱན་ཐག་པ་མི་འཆད་ཅིང་། །
དངུལ་དཀར་མཛུབ་དཀྲིས་ས་རུ་མི་ལྷུང་བར། །
འདོད་ལྡན་ཕོ་མོའི་འདོམ་གྱི་སྦྲང་རྩི་ཡི། །
རོ་མངར་སྐྱེ་བོ་ཀུན་གྱིས་མྱོང་བར་ཤོག །
གློག་སྒྲོན་དམར་པོའི་འོད་སྣང་ཟ་ཟིའི་ངོགས། །
དཀར་འཇམ་མལ་གྱི་སྟེགས་བུ་འབོལ་ཞིང་བདེ། །
དེ་སྟེང་ངོ་ཚའི་གོས་ནས་ཡོངས་བྲལ་ནས། །
འདོད་པའི་དགའ་སྟོན་མྱོང་བའི་སྨོན་འདུན་ཞུ། །
ཕན་ཚུན་འདོད་པའི་མིག་གིས་ཡོན་པོར་ལྟ། །
ཕན་ཚུན་ཆགས་པའི་དབུགས་ཐག་ཐུང་ངུར་ལེན། །
ཕན་ཚུན་དྲག་ཏུ་བསྣུན་ཅིང་གཏོད་པ་ཡི། །
ངོ་མཚར་འདོད་པའི་གར་གྱིས་འཚོ་བར་ཤོག །

མི་རྣམས་དྲག་པོའི་མཚོན་ཆ་སྣ་ཚོགས་པ། །
མཛའ་གྲོགས་འབུལ་བའི་མེ་ཏོག་ཉིད་གྱུར་ཅིང་། །
ཚིག་རྩུབ་མཚོན་ཆ་སྙིང་ལ་འཛེར་བའི་ཚོགས། །
འདོད་པས་མྱོས་པའི་གླུ་རུ་འགྱུར་བར་ཤོག །
མི་རྣམས་ཞེ་སྡང་སྦྲུལ་གྱི་དུག་ལྕེ་དག །
བརྩེ་བའི་རལ་གྲི་རྣོན་པོས་འབྲེག་པ་དང་། །
ཕན་ཚུན་སྙིང་གི་མཛའ་བོ་མཛའ་མོ་བཞིན། །
འཁྱུད་ཅིང་འོ་ཡི་སྦྱོར་བས་འཚོ་བར་ཤོག །
Powered by Blogger.

About Me

My photo
མི་ཚེ་འཁྱོལ་ཙམ། ཡིག་ངོ་ཆོད་ཙམ། རྡོག་ལམ་མཐོང་ཙམ། ཤི་མ་གསོན་ཙམ།
Friday 13 January 2012



—<ནགས་ཚང་ཞི་ལིའི་སྐྱིད་སྡུག>བཀླགས་རྗེས།
སྤྱི་ལོ་༢༠༠༧ལོའི་རང་རེའི་རྩོམ་རིག་སྤྱི་ཚོགས་ཁྲོད་ཀྱི་གླེང་གཞི་ཆེན་པོ་གཉིས་ནི་<ནགས་ཚང་ཞི་ལིའི་སྐྱིད་སྡུག>་དང་<ང་ཚོ་སད་རན>་ ཞེས་པའི་དཔེ་དེབ་འདི་གཉིས་རེད། ཡུན་རིང་གི་རེ་སྒུག་ཅིག་གི་རྗེས་སུ་ནུ་བོ་བརྒྱུད་དཔེ་དེབ་འདི་གཉིས་ཨ་མེ་རི་ ཁའི་ནུབ་མཐའ་ཞིག་ནས་ཉི་མ་གཅིག་གི་ནང་དུ་ལག་སོན་བྱུང་བ་ནི་ཇི་འདྲའི་དགའ་འོས་ པ་ཞིག་རེད། དེ་བས་སྤྱང་ལྟོགས་ལུག་ཤར་ཕྲད་པས་མཚོན་དུ་མེད་པའི་དགའ་སྤྲོ་དང་བཅས་དེབ་འདི་ གཉིས་རིམ་བཞིན་ཀློག་པའི་སྦྱོར་བ་ལ་ཞུགས། འདོད་ཡོན་སྤྱད་པས་མི་ངོམས་ཞེས་པ་ནི་བདེན་པར་གྲུབ་སྟེ། ངས་དང་པོར་ནགས་ཚང་ཞི་ལིའི་སྐྱིད་སྡུག་ཀློག་གིན་ཀློག་གིན་ཕྱི་དྲོའི་ཆུ་ཚོད་ དགུ་པ་ནས་ནམ་སྨད་ཆུ་ཚོད་བཞི་པ་ལ་ཇི་ལྟར་བྱས་ནས་བསླེབས་པ་མི་ཤེས་པའི་ངང་ཤོག་ ལྡེབ་བཞི་བརྒྱ་བརྒལ་པའི་དེབ་འདི་ཡོངས་སུ་བཀླགས་ཚར་སོང་། དེ་ཡང་གཉིད་མ་སད་དུ་བཀླགས་པ་མ་ཡིན་པར་ནགས་ཚང་ཞི་ལི་ངེད་གཉིས་མཉམ་འགྲོག་གིས་ ཐོག་ཆར་གློག་དམར་ཁྲོད་ནས་མཉམ་དུ་སྐྱེས་ཤིང་མ་ཤི་དྭ་ཕྲུག་གི་སྡུག་བསྔལ་དང་ དབེན་དགོན་གྱི་འཚོ་བ། ལུག་རྫི་ནོར་རྫི་དང་ལྷ་སའི་འགྲུལ་བཞུད། དམར་པོའི་འཇིགས་སྐུལ་དང་བཙན་རྒོལ་དམག་འཁྲུག ཕ་བུ་ཤི་བྲལ་དང་བྱིས་པའི་བཙོན་སྡུག་སོགས་སྐྱིད་སྡུག་མཉམ་མྱོང་བྱས་པས། ནགས་ཚང་ཞི་ལི་ནི་གཏམ་རྒྱུད་འདིའི་ནང་དུ་བརྗོད་ཟིན་པ་བཞིན་སྡུག་ཀྱང་འཆི་མ་ མི་འདོན་པའི་བུ་རྒོད་ཡ་མེད་ཅིག་ཡིན་པ་དངོས་ཡོད་ཡིན་ན་ཡང་། ང་ལ་ཅི་ཞིག་བྱུང་བ་རེད། དེབ་འདི་བཀླགས་པའི་མགོ་ནས་མཇུག་བར་ལོ་རྒན་སུམ་ཅུ་ཚར་ལ་ཉེ་བའི་མི་ཞིག་མི་ རྒན་ཞིག་དང་མི་འདྲ་བར་བྱིས་པ་ལོ་གསུམ་བཞི་ཅན་ཞིག་དང་མཚུངས་པར་མིག་ནས་མཆི་མ་ ཐར་ར་ར་འབབ་བཞིན་ཡོད་པ་མིན་ནམ།

Wednesday 11 January 2012



ཁོང་ཚོའི་ལས་ཀ་ནི་མི་ལུས་མཆོད་མེར་སྤར་རྒྱུ་དེ་རེད།
མི་ལུས་མཆོད་མེ་གཅིག་གཟིམས་ཚར་རྗེས་མི་ལུས་མཆོད་མེ་གཞན་ཞིག་སྤར་རྒྱུ་དེ་རེད།
ང་ཚོའི་ལས་ཀ་ནི་ཤིང་མར་མཆོད་མེ་སྤར་རྒྱུ་དེ་རེད།
ཤིང་མར་མཆོད་མེ་གཅིག་འབར་ཚར་རྗེས་ཤིང་མར་མཆོད་མེ་གཞན་ཞིག་སྤར་རྒྱུ་དེ་རེད།
Tuesday 10 January 2012

ད་བར་རིག་གསར་དྲི་མར་སྣོམ་བཞིན་ཡོང་།།

དེ་རིང་ནས་བཟུང་རིག་གནས་རྙིང་བརྗེ་ཡི།།
ལས་འགུལ་རྒྱ་མཚོའི་རླབས་བཞིན་སྤེལ་སྲིད་པས།།
གསར་ཞེན་པ་དག་འབྲོ་བྱོལ་ལྕེབ་གསུམ་བྱོས།།
སྲིད་པ་ཆགས་པའི་གངས་རི་དཀར་པོ་དག།
ད་ནི་སྤོབས་པའི་མགོ་བོ་གྱེན་བཏེགས་ཏེ།།
ཕ་དང་མེས་པོས་བྲིས་པའི་ལོ་རྒྱུས་དག།
བུ་དང་ཚ་བོའི་སྙན་དུ་གྱེར་བར་མཛོད།།
ཡ་ཆུང་ཕུག་ཏུ་ལོ་སྟོང་བརྩིགས་པ་ཡི།།
གངས་རིའི་འོ་ཟོ་ཕྲེང་བར་བསྒྲིགས་པ་འདི།།
ད་ནི་ཞོགས་པའི་ཉི་འོད་ཀློང་དྲུད་དེ།།
འབྲི་མོ་གན་ཚོ་བཞོ་བའི་སྟ་གོན་མཛོད།།