བཀླགས་གྲངས་མང་ཤོས
-
ཆུ་མོ་གངྒྰ་ཤག་ཤག་རྒྱུ་བའི་དུས། ། སྟོན་ལོ་སེར་པོ་ལྷབ་ལྷུབ་འཕུར་བའི་དུས། ། གནམ་སྔོན་སྤྲིན་པ་རླུང་གིས་གཡོ་བའི་དུས། ། བ་གླང་ཁྱུ་ཞིག...
-
སྟོན་པ། ངའི་གཟན་སྣེ་མེ་རུ་འབར་སོང་། ཁྱོད་འཇིག་རྟེན་དུ་བཞུགས་དུས། གྲྭ་པ་རེ་རེའི་གཟན་སྣེ་རུ་ཞི་བདེའི་རླུང... -
མདང་དགོང་རྨི་ལམ་ཟ་ཟི་མང་ ཡང་ཁྱད་མཚར་བོ་ཞིག་ནི་དགོན་ཆེན་ཞིག་ས་འོག་ཏུ་ནུབ་བསྡད་ཡོད་ཅིང་། དགོན་བདག་བླ་མའི་ཞལ་རས་ལ་སྐྱོ་གཉེར་དགུ་བརྩེགས་ཤིག་བ...
-
ཨ་ རིར་ འབྱོར་ ནས་ ལོ་ མང་ སོང་ བ་ དང་ ། ། ཕན་ མི་ ཐོགས་ པའི་ ངོ་ ཤེས་ འགའ་ ཡང་ ཡོད། ། ད་ ནི་ སྒྲོ་ ལོར་ ལྗང་ ཁུ་ གསོག་ དུས་ འདིར། ། སོ...
-
མདང་དགོང་རྨི་ལམ་ཅུང་ཟད་ ཉུང་ཞིང་ད་ལྟ་དྲན་ཡུལ་དུ་གཅིག་ཀྱང་མི་འདུག ཆུ་ཚོད་བརྒྱད་པ་ཙམ་ལ་གཉིད་ལས་སད་བྱུང་། ཁྲུས་ཁང་གི་སྒེའུ་ཁུང་ལས་མཁའ་དབྱིང...
དྲ་རྒྱ་བཟོ་བཀོད་པ་བསོད་ནམས་འོད་ཟེར།
About Me
- སྨྱོན་པའི་འཇིག་རྟེན།
- མི་ཚེ་འཁྱོལ་ཙམ། ཡིག་ངོ་ཆོད་ཙམ། རྡོག་ལམ་མཐོང་ཙམ། ཤི་མ་གསོན་ཙམ།
Friday 10 February 2012
རྩོམ་པ་པོ་བཙན་རྒོལ་རྒྱལ་སྐྱོབ།
---
ཁ་སང་དེ་རིང་།
ནམ་ལངས་དུས་མེ་ཞེས་པའི་ཐ་སྙད་འདི་མཐོང་ཡོང་ལ།
ས་རུབ་དུས་ཀྱང་མེ་ཞེས་པའི་ཐ་སྙད་འདི་མཐོང་ཡོང་།
འགྲོ་བ་མིའི་རིགས་ཀྱི་ཤེས་རིག་དར་བའི་ལོ་རྒྱུས་ཆེན་མོའི་ནང་།
མེ་གསར་རྙེད་བྱུང་བ་དེས་དུས་རབས་ཤིག་གི་དཀྱོགས་མཚམས་ཕྱེས་པར་བརྗོད་ལ།
མེའི་འོད་སྣང་ལ་བཅར་བ་དེས་རིགས་རྒྱུད་ཅིག་གི་ལོ་རྒྱུས་དེ་མུ་ནས་མུ་རུ་མཐུད་ཐུབ་སོང་བར་ཡང་གྲགས།
ལོ་འགའི་སྔོན་ཏེ་ཉིས་སྟོང་ཐིག་བརྒྱད་ལོར།
ང་ཚོས་མེ་ལ་ངོ་རྒོལ་བྱས་པ་མ་ཡིན་ནམ།
དེ་དུས།
མེ་དེ་འདྲེ་མེ་ཅི་བཞིན་སྔོ་ལྷང་ལྷང་དུ་འབར་བཞིན་ཡོད་ཅིང་།
མེ་དེ་གསོད་ཕྱིར་བོད་མི་ཚོས་འཛམ་གླིང་གང་སར་མེ་དེ་ལ་རྗེས་འདེད་དྲག་པོ་བཏང་།
མེ་དེ་རྒྱ་ལག་ནས་འཕྲོག་ཆེད་བོད་མི་མང་པོ་ཞིག་ལ་ཕྱི་གླིང་ཉེན་རྟོག་པའི་རྒྱུགས་རྡུང་ཡང་རག་མྱོང་།
གང་ལྟར་མཐའ་མར་མེ་དེ་ཤི་མ་གསོན་དུ་པེ་ཅིན་ལ་བསླེབས་དུས།
ཡི་དྭགས་ཀྱི་གདོང་མདོག་ཁུར་བའི་རྒྱ་མི་དུང་ཕྱུར་མང་པོ་ཞིག་གིས་མེ་དེའི་དྲི་ངད་ལ་སྣོམ་བཞིན།
མེ་དེའི་སྐྱི་གཡའ་བའི་འོད་སྣང་སྔོ་ལྷང་ལྷང་དེའི་ཁྲོད་དུ་དགའ་འབོད་དང་མིག་ཆུ་གཏོར།
མེ་དེ་ཤི་ནས་ཡུན་རིང་ཙམ་འགོར་སོང་ཡང་།
མེ་དེས་རྐྱེན་བྱས་ནས་མེ་ལྕེ་གཞན་ཞིག་ཀྱང་འབར་མགོ་བརྩམས་སོང་།
མེ་དེ་ནི་ལོ་ངོ་ལྔ་བཅུར་བསྐྱིལ་བའི་སྡུག་བསྔལ་དང་ཞེ་འཁོན་གྱི་སྣུམ་ནག་ཁོལ་མ་ལས་འབར་བ་ཡིན་པས།
མེ་དེ་ཡིས་པེ་ཅིན་མཁར་དང་ལྕགས་རི་རིང་པོ་སོགས་རྒྱ་ནག་གི་ལོ་རྒྱུས་མཚོན་པའི་གནའ་ཤུལ་མཐའ་དག་ཀྱང་འབར་ཆོག་ཆོག་ཅིག་ཏུ་བསྒྱུར་ཅིང་།
མེ་དེ་ནི་བསྐལ་བ་སྟོང་དུ་རྙེད་དཀའ་བའི་མགོ་ནག་བོད་པའི་མི་ལུས་ཀྱི་སྟེང་ནས་འབར་བ་ཞིག་ཡིན་པས།
མེ་དེ་ཡི་ཀློང་ནས་ཆོས་རྒྱལ་མེས་དབོན་རྣམ་གསུམ་དང་དཔའ་བོ་སྟག་སྒྲ་ཀླུ་ཁོང་སོགས་ཀྱི་དཔའ་སྤོབས་ཀྱང་རྙེད་ཆོག་ཆོག་ཅིག་ཏུ་སྣང་།
མེ་དེ་གངས་རིའི་རྩེ་མོ་ནས་འབར་སོང་བས།
མེ་དེ་ཡི་གཟི་བྱིན་གྱིས་གནམ་སྔོན་པོ་འདི་འོད་ཀྱིས་བཀང་སོང་ལ།
མེ་དེ་རྨ་འབྲིའི་ཁུག་སོ་ནས་འབར་སོང་བས།
མེ་དེ་ཡི་ལོ་རྒྱུས་ཀྱིས་ས་ཆེན་པོ་འདི་ངར་གྱིས་གཤགས་སོང་།
ཁ་སང་འབར་བའི་མེ་དེ་ང་ཚོའི་ཕ་མེས་ཚོས་སྦར་བའི་མེ་ཞིག་ཡིན་ལ།
དེ་རིང་སྤར་བའི་མེ་དེ་ང་ཚོའི་དཔའ་རྒོད་ཚོས་སྤར་བའི་མེ་ཞིག་ཡིན་ཞིང་།
སང་ཉིན་འབར་བའི་མེ་དེ་ཡང་ང་ཚོའི་སྤུན་ཟླ་ཚོས་སྦར་བའི་མེ་ཞིག་ཡིན་པས།
མུ་ནས་མུ་རུ་འབར་བའི་མེ་ལྕེ་དེ་དག་ང་ཚོའི་གཟི་བརྗིད་ཡིན།
དུས་དང་དུས་སུ་འབར་བའི་མེ་ལྕེ་དེ་དག་ང་ཚོའི་ཚེ་འབར་ཡིན།
ང་ཚོའི་མེ་ལྕེ་རེ་རེ་ཡིས་ང་ཚོའི་སྙིང་སྟོབས་མཚོན་ཐུབ་ལ།
ང་ཚོའི་མེ་ལྕེ་རེ་རེ་ཡིས་ང་ཚོའི་སྙིང་རྗེ་མངོན་ཐུབ།
མེ་ལྕེ་འདི་ནི་རྒྱ་བོད་གཉིས་བར་གྱི་སྐད་ཆ་ཡིན་ལ།
མེ་ལྕེ་འདི་ནི་མི་རིགས་གཉིས་བར་གྱི་ལོ་རྒྱུས་ཀྱང་ཡིན།
མེ་དེའི་ཚེ་སྲོག་སྐྱོབ་དགོས་ན་ང་ཚོ་རེ་རེ་བཞིན་མེ་དེའི་ནང་དུ་མཆོང་དགོས་ཤིང་།
མེ་དེའི་ལོ་རྒྱུས་རྫོགས་དགོས་ན་ང་ཚོ་རེ་རེ་བཞིན་མེ་དེར་སྐྲག་ནས་འདར་དགོས།
—
*འདྲ་པར་གྱི་འབྱུང་ཁུངས་ཨེ་ཕེ་གསར་ཁང་།
Subscribe to:
Post Comments
(Atom)
0 བསམ་ཚུལ་འདོན་པ།:
Post a Comment