བཀླགས་གྲངས་མང་ཤོས
-
ཆུ་མོ་གངྒྰ་ཤག་ཤག་རྒྱུ་བའི་དུས། ། སྟོན་ལོ་སེར་པོ་ལྷབ་ལྷུབ་འཕུར་བའི་དུས། ། གནམ་སྔོན་སྤྲིན་པ་རླུང་གིས་གཡོ་བའི་དུས། ། བ་གླང་ཁྱུ་ཞིག...
-
སྟོན་པ། ངའི་གཟན་སྣེ་མེ་རུ་འབར་སོང་། ཁྱོད་འཇིག་རྟེན་དུ་བཞུགས་དུས། གྲྭ་པ་རེ་རེའི་གཟན་སྣེ་རུ་ཞི་བདེའི་རླུང... -
མདང་དགོང་རྨི་ལམ་ཟ་ཟི་མང་ ཡང་ཁྱད་མཚར་བོ་ཞིག་ནི་དགོན་ཆེན་ཞིག་ས་འོག་ཏུ་ནུབ་བསྡད་ཡོད་ཅིང་། དགོན་བདག་བླ་མའི་ཞལ་རས་ལ་སྐྱོ་གཉེར་དགུ་བརྩེགས་ཤིག་བ...
-
ཨ་ རིར་ འབྱོར་ ནས་ ལོ་ མང་ སོང་ བ་ དང་ ། ། ཕན་ མི་ ཐོགས་ པའི་ ངོ་ ཤེས་ འགའ་ ཡང་ ཡོད། ། ད་ ནི་ སྒྲོ་ ལོར་ ལྗང་ ཁུ་ གསོག་ དུས་ འདིར། ། སོ...
-
མདང་དགོང་རྨི་ལམ་ཅུང་ཟད་ ཉུང་ཞིང་ད་ལྟ་དྲན་ཡུལ་དུ་གཅིག་ཀྱང་མི་འདུག ཆུ་ཚོད་བརྒྱད་པ་ཙམ་ལ་གཉིད་ལས་སད་བྱུང་། ཁྲུས་ཁང་གི་སྒེའུ་ཁུང་ལས་མཁའ་དབྱིང...
དྲ་རྒྱ་བཟོ་བཀོད་པ་བསོད་ནམས་འོད་ཟེར།
About Me
- སྨྱོན་པའི་འཇིག་རྟེན།
- མི་ཚེ་འཁྱོལ་ཙམ། ཡིག་ངོ་ཆོད་ཙམ། རྡོག་ལམ་མཐོང་ཙམ། ཤི་མ་གསོན་ཙམ།
Wednesday, 18 January 2012
བོད་ཁ་བ་ཅན་གྱི་ཡུལ་ལྗོངས་ནས།
གནས་ངེས་མེད་ས་མཐར་འཁྱམ་པའི་དུས།
ངས་དྲན་ཆེན་ཨ་མ་དྲན་པའི་གླུ།
དུས་དེ་རིང་སྙིང་གི་དཀྱིལ་ནས་ལེན།
དབྱར་མེ་ཏོག་ཤར་དུས་ཨ་མ་དྲན།
སྟོན་འབྲུ་དྲུག་སྨིན་དུས་ཨ་མ་དྲན།
དགུན་ཁ་བ་འབབ་དུས་ཨ་མ་དྲན།
དཔྱིད་འཁྱག་པ་ཞུ་དུས་ཨ་མ་དྲན།
ང་གཅིག་པོར་སྡོད་དུས་ཨ་མ་དྲན།
མི་མང་པོའི་དཀྱིལ་ནས་ཨ་མ་དྲན།
ཟས་ཞིམ་པོ་བཟའ་དུས་ཨ་མ་དྲན།
ཇ་ཞིམ་པོ་འཐུང་དུས་ཨ་མ་དྲན།
གནམ་སྔོན་པོ་མཐོང་དུས་ཨ་མ་དྲན།
སྤིན་དཀར་པོ་མཐོང་དུས་ཨ་མ་དྲན།
རི་མཐོན་པོ་མཐོང་དུས་ཨ་མ་དྲན།
མཚོ་ཆེན་པོ་མཐོང་དུས་ཨ་མ་དྲན།
གསེར་ཉི་མ་ཤར་དུས་ཨ་མ་དྲན།
དུང་ཟླ་བ་ཚེས་དུས་ཨ་མ་དྲན།
དགུང་སྐར་ཚོགས་རིག་དུས་ཨ་མ་དྲན།
ཤིང་ལོ་མའི་དཀྱིལ་ནས་ཨ་མ་དྲན།
ངས་ཡར་ལ་ལངས་དུས་ཨ་མ་དྲན།
ངས་ལས་ཀ་ལས་དུས་ཨ་མ་དྲན།
ངས་ནང་ལ་ལོག་དུས་ཨ་མ་དྲན།
ངས་རྨི་ལམ་ནང་དུ་ཨ་མ་དྲན།
ངས་མེ་འཁོར་ནང་དུ་ཨ་མ་དྲན།
ངས་རླངས་འཁོར་ནང་དུ་ཨ་མ་དྲན།
ངས་གླིང་གའི་ནང་དུ་ཨ་མ་དྲན།
ངས་གང་དུ་སོང་ཡང་ཨ་མ་དྲན།
ས་སྐྱིད་པོ་ཕ་ས་ཕ་ཡུལ་ནས།
ཡུལ་ཐག་རིང་རྒྱལ་ཁམས་འགྲིམ་པའི་དུས།
དྲིན་ཨ་མ་དྲན་པའི་གླུ་ཆུང་ཞིག
མིག་མཆི་མའི་མཉམ་དུ་དེ་རིང་བཞུར།
སྐྱབས་བསླུ་བ་མེད་པའི་དཀོན་མཆོག་གསུམ།
ངའི་ཨ་མ་ཚེ་རིང་ནད་མེད་ཤོག
ངེད་མ་བུ་མཉམ་དུ་འཛོམ་པར་ཤོག
དྲིན་ཨ་མ་མགྱོགས་པོར་མཇལ་བར་ཤོག
Subscribe to:
Post Comments
(Atom)
0 བསམ་ཚུལ་འདོན་པ།:
Post a Comment