བཀླགས་གྲངས་མང་ཤོས
-
ཆུ་མོ་གངྒྰ་ཤག་ཤག་རྒྱུ་བའི་དུས། ། སྟོན་ལོ་སེར་པོ་ལྷབ་ལྷུབ་འཕུར་བའི་དུས། ། གནམ་སྔོན་སྤྲིན་པ་རླུང་གིས་གཡོ་བའི་དུས། ། བ་གླང་ཁྱུ་ཞིག...
-
སྟོན་པ། ངའི་གཟན་སྣེ་མེ་རུ་འབར་སོང་། ཁྱོད་འཇིག་རྟེན་དུ་བཞུགས་དུས། གྲྭ་པ་རེ་རེའི་གཟན་སྣེ་རུ་ཞི་བདེའི་རླུང... -
མདང་དགོང་རྨི་ལམ་ཟ་ཟི་མང་ ཡང་ཁྱད་མཚར་བོ་ཞིག་ནི་དགོན་ཆེན་ཞིག་ས་འོག་ཏུ་ནུབ་བསྡད་ཡོད་ཅིང་། དགོན་བདག་བླ་མའི་ཞལ་རས་ལ་སྐྱོ་གཉེར་དགུ་བརྩེགས་ཤིག་བ...
-
ཨ་ རིར་ འབྱོར་ ནས་ ལོ་ མང་ སོང་ བ་ དང་ ། ། ཕན་ མི་ ཐོགས་ པའི་ ངོ་ ཤེས་ འགའ་ ཡང་ ཡོད། ། ད་ ནི་ སྒྲོ་ ལོར་ ལྗང་ ཁུ་ གསོག་ དུས་ འདིར། ། སོ...
-
མདང་དགོང་རྨི་ལམ་ཅུང་ཟད་ ཉུང་ཞིང་ད་ལྟ་དྲན་ཡུལ་དུ་གཅིག་ཀྱང་མི་འདུག ཆུ་ཚོད་བརྒྱད་པ་ཙམ་ལ་གཉིད་ལས་སད་བྱུང་། ཁྲུས་ཁང་གི་སྒེའུ་ཁུང་ལས་མཁའ་དབྱིང...
དྲ་རྒྱ་བཟོ་བཀོད་པ་བསོད་ནམས་འོད་ཟེར།
About Me
- སྨྱོན་པའི་འཇིག་རྟེན།
- མི་ཚེ་འཁྱོལ་ཙམ། ཡིག་ངོ་ཆོད་ཙམ། རྡོག་ལམ་མཐོང་ཙམ། ཤི་མ་གསོན་ཙམ།
Saturday, 9 April 2011
སྐྱོ་གདུང་དྲག་པོའི་ཟུག་རྔུ་དང་ལྷན་དུ་དཔྱིད་མགོའི་མེ་ཏོག་གི་འདབ་མ་འཐོར་དུས།
ཁྱེད་ལ་དགུན་ཟླ་རིང་མོ་ཞིག་གི་དུས་ཡུན་ལ་བསྒུགས་པའི་སྡུག་ཡུས་དང་མཉམ་དུ།
སྙིང་གསེང་ནས་བརྡོལ་བའི་མཆི་མའི་བཞུར་རྒྱུན་རེ་རེ་ནི།
མི་ཚེ་གཅིག་གི་ཆེས་དཀའ་སྡུག་ཅན་གྱི་ལོ་ཟླ་དང་འདྲ་ཞིང་།
འདས་པའི་ཟླ་ཤས་རིང་དཔྱིད་མགོའི་མེ་ཏོག་གི་འདབ་མ་བཞད་རྒྱུར་བསྒུགས་པ་འདི་ཡང་།
ཐ་ན་རྨི་ལམ་ནང་དུ་ཡང་ལན་དུ་མར་ཤིང་སྡོང་དེའི་རྩ་རུ་བརྒྱུགས་ཤིང་།
དཔྱིད་མགོའི་མེ་ཏོག་གི་འདབ་མ་རེ་ཨེ་མཐོང་གི་རེ་སྒུག་བྱས་པ་དག་ཉིན་ཐོའི་ངོས་སུ་ཁེངས་འདུག
ས་བོན་མང་པོ་ཞིག་གིས་གསོན་ཤུགས་ངོམ་སྟེ་ས་ཁར་འབུས་ཤིང་།
མེ་ཏོག་མང་པོ་ཞིག་གི་ལང་ཚོ་འབར་ཏེ་འདབ་མ་བཞད་སོང་།
ཡིན་ན་ཡང་ཆེས་མཛེས་སྡུག་ལྡན་པའི་དཔྱིད་མགོའི་མེ་ཏོག་དེ་དག
ཉེ་ཆར་བར་དུ་ནམ་ཡང་འཛུམ་རྒྱ་གྲོལ་མ་སོང་ཨང་།
གཟའ་འཁོར་གཅིག་གི་སྔོན་དུ།
ཉི་མ་དྲོ་ཞིང་དཔྱིད་རླུང་འཇམ་པོར་ལྡང་བའི་ཉི་མ་དེར།
གཞི་ནས་དཔྱིད་མགོའི་མེ་ཏོག་རེ་རེ་བཞིན་མཛེས་སྡུག་ལྡན་པའི་ངང་བཞད་སོང་།
ཉི་འོད་འོག་ཏུ་དེ་དག་ནི་ངོ་མ་རྣམ་ཤེས་ཁྱུ་གཅིག་དང་འདྲ་བར།
འཇིག་རྟེན་འདིའི་མཛེས་སྡུག་གི་རྨི་ལམ་ཟབ་མོ་ཞིག་གི་གཏིང་དུ་བཞད་འདུག
ཞོགས་པ་རེ་རེ་བཞིན་ངས་མེ་ཏོག་འདི་ཚོའི་དྲི་མ་ཞིམ་པོ་དེ་སྣོམ་ཐེངས་རེ་རེར།
ང་ལ་རང་བྱུང་ཁམས་ཆེན་པོའི་དྲི་མེད་ཀྱི་བརྩེ་དུང་གི་བསྡུས་གཟུགས་ཤིག་ལ་འཐམ་འཁྱུད་བྱེད་དུ་བཅུག་ཅིང་།
རླུང་བུ་ལྡང་ཐེངས་རེ་རེ་བཞིན་དཔྱིད་མགོའི་མེ་ཏོག་གི་འདབ་མ་ས་རུ་བྲུལ་བ་མཐོང་ཐེངས་རེ་རེར།
ངའི་སྙིང་གསེང་ནས་ཕངས་སེམས་དྲག་པོ་ཞིག་གིས་འཕག་འཚག་དྲག་ཏུ་རྒྱག་ཅིང་།
འདུས་བྱས་ཐམས་ཅད་མི་རྟག་པའི་རང་བཞིན་ལ་བསམ་ཐེངས་རེ་རེ་བཞིན།
ངས་མཛེས་སྡུག་ལྡན་པའི་དཔྱིད་མགོའི་མེ་ཏོག་གི་ཆར་བ་དེའི་འབབ་སྲོལ་ལ་ཅེར་ནས་མི་འདུག་ཀ་མེད་དུ་གྱུར་ཅིང་།
ལྗོན་པ་རེ་རེའི་འཁྲིས་སུ་མེ་ཏོག་གི་འདབ་མ་གྲངས་མེད་ཅིག་གར་སར་འཐོར་བ་མཐོང་ཐེངས་རེ་རེ་བཞིན།
ངས་སྐྱེ་རྒ་ན་འཆིའི་གོ་རིམ་བརྒྱུད་དགོས་པའི་རང་བྱུང་གི་སྐྱེ་དངོས་འདི་དག་ལ་གདུང་སེམས་ཀྱི་མཆོད་པ་རེ་ཡང་མི་འབུལ་ཀ་མེད་རེད།
གོང་གི་པར་འདི་ཁོ་བོས་རང་ཉིད་སྡོད་སའི་ཉེ་འཁོར་གྱི་ལམ་ཁ་ཞིག་ནས་འཆམ་འཆམ་བྱེད་དུས་སུ་བརྒྱབ་པ་ཡིན།
གོང་གི་པར་འདི་ཁོ་བོས་རང་ཉིད་སྡོད་སའི་ཉེ་འཁོར་གྱི་ལམ་ཁ་ཞིག་ནས་འཆམ་འཆམ་བྱེད་དུས་སུ་བརྒྱབ་པ་ཡིན།
Subscribe to:
Post Comments
(Atom)
0 བསམ་ཚུལ་འདོན་པ།:
Post a Comment