ཚོལ་གཤེར

Loading...

དྲ་ངོས་བཀླགས་གྲངས།

There was an error in this gadget

བཀླགས་གྲངས་མང་ཤོས

༢༠༡༣ལོའི ལོ་ཐོ

བརྒྱུན་ལྡན་བྱེད་སྒོ་ཁག

གླེང་མོལ་བརྙན་ཆས


དྲ་རྒྱ་བཟོ་བཀོད་པ་བསོད་ནམས་འོད་ཟེར།

རྟག་བརྟན་གྱི་སྙན་ཚིག

—མཛའ་བོའི་དུས་ཆེན་ལ་ཕུལ་བའི་ཤིས་ཚིག
སྟག་ཤར་གཞོན་པའི་བྲང་གི་ཤ་རྒོད་དང་། །
སྨན་ཆུང་བུ་མོའི་བྲང་གི་མྱོས་བུམ་གཉིས། །
འཇིག་རྟེན་སྣང་བས་གཅིག་ཏུ་འདྲེས་པ་ཡི། །
མཛའ་བོའི་དུས་ཆེན་བསྐལ་པའི་མཐར་ཡང་དྲན། །
གསེར་གྱི་རྣ་རྒྱན་ཐག་པ་མི་འཆད་ཅིང་། །
དངུལ་དཀར་མཛུབ་དཀྲིས་ས་རུ་མི་ལྷུང་བར། །
འདོད་ལྡན་ཕོ་མོའི་འདོམ་གྱི་སྦྲང་རྩི་ཡི། །
རོ་མངར་སྐྱེ་བོ་ཀུན་གྱིས་མྱོང་བར་ཤོག །
གློག་སྒྲོན་དམར་པོའི་འོད་སྣང་ཟ་ཟིའི་ངོགས། །
དཀར་འཇམ་མལ་གྱི་སྟེགས་བུ་འབོལ་ཞིང་བདེ། །
དེ་སྟེང་ངོ་ཚའི་གོས་ནས་ཡོངས་བྲལ་ནས། །
འདོད་པའི་དགའ་སྟོན་མྱོང་བའི་སྨོན་འདུན་ཞུ། །
ཕན་ཚུན་འདོད་པའི་མིག་གིས་ཡོན་པོར་ལྟ། །
ཕན་ཚུན་ཆགས་པའི་དབུགས་ཐག་ཐུང་ངུར་ལེན། །
ཕན་ཚུན་དྲག་ཏུ་བསྣུན་ཅིང་གཏོད་པ་ཡི། །
ངོ་མཚར་འདོད་པའི་གར་གྱིས་འཚོ་བར་ཤོག །

མི་རྣམས་དྲག་པོའི་མཚོན་ཆ་སྣ་ཚོགས་པ། །
མཛའ་གྲོགས་འབུལ་བའི་མེ་ཏོག་ཉིད་གྱུར་ཅིང་། །
ཚིག་རྩུབ་མཚོན་ཆ་སྙིང་ལ་འཛེར་བའི་ཚོགས། །
འདོད་པས་མྱོས་པའི་གླུ་རུ་འགྱུར་བར་ཤོག །
མི་རྣམས་ཞེ་སྡང་སྦྲུལ་གྱི་དུག་ལྕེ་དག །
བརྩེ་བའི་རལ་གྲི་རྣོན་པོས་འབྲེག་པ་དང་། །
ཕན་ཚུན་སྙིང་གི་མཛའ་བོ་མཛའ་མོ་བཞིན། །
འཁྱུད་ཅིང་འོ་ཡི་སྦྱོར་བས་འཚོ་བར་ཤོག །
Powered by Blogger.

About Me

My photo
མི་ཚེ་འཁྱོལ་ཙམ། ཡིག་ངོ་ཆོད་ཙམ། རྡོག་ལམ་མཐོང་ཙམ། ཤི་མ་གསོན་ཙམ།
Saturday, 29 September 2012
 ཀླུ་སྨྱོན་ཧེ་རུ་ཀ 
སྐྱེ་བ་སྐྱེ་བར་གསེར་མདོག་གི །
ཞིང་གྲོང་ཉུལ་བའི་རླུང་བུར་ཤོག །
སྐྱེ་བ་སྐྱེ་བར་རླུང་བུ་དེས། །
གང་སར་འཁྱེར་བའི་དྲི་ཞིམ་ཤོག །

Monday, 23 July 2012
ཀླུ་སྨྱོན།ཆོས་འཁོར་དུས་ཆེན་ལ་ཕུལ་བ།
ནམ་མཁའ་སྔོ་བའི་གནས་དེ་རུ། །
རི་དྭགས་མང་བའི་ནགས་དེ་རུ། །
མེ་ཏོག་འཁྲིགས་པའི་ཚལ་དེ་རུ། །

Saturday, 7 July 2012
ནམ་མཁའ་སྔོ་ཞིང་ཉི་འོད་ས་ལ་ཟགས། །
བྱ་བྱེའུའི་སྐད་ཅོར་རྨི་ལམ་ཀློང་ནས་ཐོས། །
བསིལ་རླུང་ཁྲོད་དུ་མཛེས་མའི་ལུས་དྲི་མཆེད། །
སྤྲིན་པ་རབ་རིབ་རི་བོའི་ཐོད་དུ་ལྷུང་། །
Thursday, 28 June 2012
ཀླུ་སྨྱོན་ཧེ་རུ་ཀགྲྭ་ས་ཁག་ཅིག་ནས་ཀུ་ཤུ་གློག་ཀླད་འགོག་པའི་ཚ་རླབས་འཕྱུར་བ་ཐོས་རྗེས།
སྔོན་བྱོན་མཁས་གྲུབ་དུ་མས་བཀའ་བསྒོས་ཏེ། །
བསྟན་པ་གཉེར་དུ་གཏད་པའི་ཆོས་སྐྱོང་ཚོགས། །
བསྟན་པའི་དགྲ་བོ་ཀུ་ཤུ་གློག་ཀླད་འདི། །
རྩ་མེད་གཙང་དག་བཟོ་བའི་འཕྲིན་ལས་མཛོད། །
ན་གཞོན་གྲྭ་རྒོད་དུ་མའི་ཀླད་པའི་ནང་། །

Monday, 18 June 2012


གླུ་འདི་དང་པོ་གང་ནས་འོངས།
གླུ་འདི་དང་པོ་གནམ་ནས་འོངས།
གནམ་གྱི་དགུ་ཚིགས་ངོས་ནས་འོངས།
སྤྲིན་གྱི་ཕྲ་ཚོམ་བརྒྱུད་ནས་འོངས།
འཇའ་ཚོན་སྐས་ཐེམ་ཉུལ་ནས་འོངས།
ཆར་བའི་རྒྱུན་དང་འདྲེས་ནས་འོངས།
གློག་དམར་འོད་དང་བསྡེབས་ནས་འོངས།
འབྲུག་སྒྲའི་ཟིལ་ནས་འགྲོགས་ནས་འོངས།
བར་སྣང་སྟོང་བར་འཁྱུད་ནས་འོངས།
ཉི་ཟླའི་སྣང་བར་འཇུས་ནས་འོངས།
རླུང་གི་དཀྱིལ་འཁོར་བརྒལ་ནས་འོངས།
རི་རབ་རྩེ་རུ་ལྷུང་བཞིན་འོངས།
Thursday, 14 June 2012

ཆུ་མོ་གངྒྰ་ཤག་ཤག་རྒྱུ་བའི་དུས། །

སྟོན་ལོ་སེར་པོ་ལྷབ་ལྷུབ་འཕུར་བའི་དུས། །
གནམ་སྔོན་སྤྲིན་པ་རླུང་གིས་གཡོ་བའི་དུས། །
བ་གླང་ཁྱུ་ཞིག་ཞིང་རྩྭར་རོལ་བའི་དུས། །
བུད་མེད་སྣ་རྒྱན་ཉི་འོད་འཕྲོ་བའི་དུས། །
བྱིས་པ་དམར་ཧྲེང་སྣུམ་ནག་འབྱུག་པའི་དུས། །
སྲང་བར་གློག་བརྙན་གླུ་གཞས་ཐོས་པའི་དུས། །
ལྷ་ཁང་བྱ་འདབས་ཕུག་རོན་བབས་པའི་དུས། །
སྒེག་མོའི་སེང་རས་ཁྲུས་ཆུས་གཤེར་བའི་དུས། །
དབང་ཕྱུག་ལིངྒ་འོ་མས་བཀྲུ་བའི་དུས། །
Monday, 4 June 2012
 ལོ་ངོ་ཉིས་སྟོང་ལྔ་བརྒྱའི་སྔོན། །
ཉི་འོད་དེ་རིང་བཞིན་དུ་འཆར། །

སྤྲིན་པའང་དེ་རིང་ལྟ་བུར་ལྡིང་། །

བྱ་བྱེའུ་དེ་རིང་ཅི་བཞིན་འཕུར། །

རླུང་བུ་དེ་རིང་འདྲ་བར་ལྡང་། །

ལོ་དྲུག་དཀའ་བ་སྤྱད་པ་ཡི། །

དྲང་སྲོང་སྐུ་ཤ་སྐེམ་ན་ཡང་།

གཟི་བརྗིད་འབར་བ་གང་ཞིག་གིས། །

བྱང་ཆུབ་ཤིང་ལ་སྐུ་རྒྱབ་བསྟན། །