ཚོལ་གཤེར

དྲ་ངོས་བཀླགས་གྲངས།

བཀླགས་གྲངས་མང་ཤོས


དྲ་རྒྱ་བཟོ་བཀོད་པ་བསོད་ནམས་འོད་ཟེར།

རྟག་བརྟན་གྱི་སྙན་ཚིག

—མཛའ་བོའི་དུས་ཆེན་ལ་ཕུལ་བའི་ཤིས་ཚིག
སྟག་ཤར་གཞོན་པའི་བྲང་གི་ཤ་རྒོད་དང་། །
སྨན་ཆུང་བུ་མོའི་བྲང་གི་མྱོས་བུམ་གཉིས། །
འཇིག་རྟེན་སྣང་བས་གཅིག་ཏུ་འདྲེས་པ་ཡི། །
མཛའ་བོའི་དུས་ཆེན་བསྐལ་པའི་མཐར་ཡང་དྲན། །
གསེར་གྱི་རྣ་རྒྱན་ཐག་པ་མི་འཆད་ཅིང་། །
དངུལ་དཀར་མཛུབ་དཀྲིས་ས་རུ་མི་ལྷུང་བར། །
འདོད་ལྡན་ཕོ་མོའི་འདོམ་གྱི་སྦྲང་རྩི་ཡི། །
རོ་མངར་སྐྱེ་བོ་ཀུན་གྱིས་མྱོང་བར་ཤོག །
གློག་སྒྲོན་དམར་པོའི་འོད་སྣང་ཟ་ཟིའི་ངོགས། །
དཀར་འཇམ་མལ་གྱི་སྟེགས་བུ་འབོལ་ཞིང་བདེ། །
དེ་སྟེང་ངོ་ཚའི་གོས་ནས་ཡོངས་བྲལ་ནས། །
འདོད་པའི་དགའ་སྟོན་མྱོང་བའི་སྨོན་འདུན་ཞུ། །
ཕན་ཚུན་འདོད་པའི་མིག་གིས་ཡོན་པོར་ལྟ། །
ཕན་ཚུན་ཆགས་པའི་དབུགས་ཐག་ཐུང་ངུར་ལེན། །
ཕན་ཚུན་དྲག་ཏུ་བསྣུན་ཅིང་གཏོད་པ་ཡི། །
ངོ་མཚར་འདོད་པའི་གར་གྱིས་འཚོ་བར་ཤོག །

མི་རྣམས་དྲག་པོའི་མཚོན་ཆ་སྣ་ཚོགས་པ། །
མཛའ་གྲོགས་འབུལ་བའི་མེ་ཏོག་ཉིད་གྱུར་ཅིང་། །
ཚིག་རྩུབ་མཚོན་ཆ་སྙིང་ལ་འཛེར་བའི་ཚོགས། །
འདོད་པས་མྱོས་པའི་གླུ་རུ་འགྱུར་བར་ཤོག །
མི་རྣམས་ཞེ་སྡང་སྦྲུལ་གྱི་དུག་ལྕེ་དག །
བརྩེ་བའི་རལ་གྲི་རྣོན་པོས་འབྲེག་པ་དང་། །
ཕན་ཚུན་སྙིང་གི་མཛའ་བོ་མཛའ་མོ་བཞིན། །
འཁྱུད་ཅིང་འོ་ཡི་སྦྱོར་བས་འཚོ་བར་ཤོག །
Powered by Blogger.

About Me

My photo
མི་ཚེ་འཁྱོལ་ཙམ། ཡིག་ངོ་ཆོད་ཙམ། རྡོག་ལམ་མཐོང་ཙམ། ཤི་མ་གསོན་ཙམ།
Saturday 4 February 2012



(གཞས་ཚིག)
གངས་ཅན་བོད་ཡུལ་གངས་སེང་དཀར་མོ་ཡིན། །
བོད་མི་རེ་རེ་སེང་གེའི་གཡུ་རལ་ཡིན། །
གཡུ་རལ་རྐང་རེ་མེ་རུ་འབར་བའི་དུས། །
གངས་སེང་དཀར་མོར་སྡུག་བསྔལ་ཅི་ཙམ་ཡོད། །

གངས་ཅན་བོད་ཡུལ་ནམ་མཁའ་སྔོན་པོ་ཡིན། །
བོད་མི་རེ་རེ་ནམ་མཁའི་སྐར་མ་ཡིན། །
སྐར་མ་རེ་རེ་མེ་རུ་འབར་བའི་དུས། །
ནམ་མཁའ་སྔོན་པོར་སྡུག་བསྔལ་ཅི་ཙམ་ཡོད། །

གངས་ཅན་བོད་ཡུལ་སྤང་ཐང་ལྗང་ཁུ་ཡིན། །
བོད་མི་རེ་རེ་སྤང་གི་མེ་ཏོག་ཡིན། །
མེ་ཏོག་རྐང་རེ་མེ་རུ་འབར་བའི་དུས། །
སྤང་ཐང་ལྗང་ཁུར་སྡུག་བསྔལ་ཅི་ཙམ་ཡོད། །

གངས་ཅན་བོད་ཡུལ་ངང་པ་སེར་པོ་ཡིན། །
བོད་མི་རེ་རེ་གསེར་གྱི་སྒྲོ་སྤུ་ཡིན། །
སྒྲོ་སྤུ་རེ་རེ་མེ་རུ་འབར་བའི་དུས། །
ངང་པ་སེར་པོར་སྡུག་བསྔལ་ཅི་ཙམ་ཡོད། །

 
གངས་ཅན་བོད་ཡུལ་དེབ་ཐེར་སྨུག་པོ་ཡིན། །
བོད་མི་རེ་རེ་དེབ་ཀྱི་ཤོག་ལྷེ་ཡིན། །
ཤོག་ལྷེ་རེ་རེ་མེ་རུ་འབར་བའི་དུས། །
དེབ་ཐེར་སྨུག་པོར་སྡུག་བསྔལ་ཅི་ཙམ་ཡོད། །
Monday 30 January 2012



དེ་རིང་བར་དུ་ཡར་ལངས་པ་བདེན་པ་རེད་ལ། 
ཡར་ལངས་ནས་ཀི་ལྡིར་རེ་བྱས་པ་ཡང་བདེན་པ་རེད།
ཡར་ལངས་འཕྱི་བས་གཅིན་སྒང་སྦོས་ནས་རྫ་མ་ལྟར་ཆགས་པ་བདེན་པ་རེད་ལ།
ཡར་ལངས་དུས་མགོ་སྐྲ་གཟེངས་ཤིང་མིག་སྐྱག་ཆགས་བསྡད་ཡོད་པ་ཡང་བདེན་པ་རེད།