ཚོལ་གཤེར

དྲ་ངོས་བཀླགས་གྲངས།

བཀླགས་གྲངས་མང་ཤོས


དྲ་རྒྱ་བཟོ་བཀོད་པ་བསོད་ནམས་འོད་ཟེར།

རྟག་བརྟན་གྱི་སྙན་ཚིག

—མཛའ་བོའི་དུས་ཆེན་ལ་ཕུལ་བའི་ཤིས་ཚིག
སྟག་ཤར་གཞོན་པའི་བྲང་གི་ཤ་རྒོད་དང་། །
སྨན་ཆུང་བུ་མོའི་བྲང་གི་མྱོས་བུམ་གཉིས། །
འཇིག་རྟེན་སྣང་བས་གཅིག་ཏུ་འདྲེས་པ་ཡི། །
མཛའ་བོའི་དུས་ཆེན་བསྐལ་པའི་མཐར་ཡང་དྲན། །
གསེར་གྱི་རྣ་རྒྱན་ཐག་པ་མི་འཆད་ཅིང་། །
དངུལ་དཀར་མཛུབ་དཀྲིས་ས་རུ་མི་ལྷུང་བར། །
འདོད་ལྡན་ཕོ་མོའི་འདོམ་གྱི་སྦྲང་རྩི་ཡི། །
རོ་མངར་སྐྱེ་བོ་ཀུན་གྱིས་མྱོང་བར་ཤོག །
གློག་སྒྲོན་དམར་པོའི་འོད་སྣང་ཟ་ཟིའི་ངོགས། །
དཀར་འཇམ་མལ་གྱི་སྟེགས་བུ་འབོལ་ཞིང་བདེ། །
དེ་སྟེང་ངོ་ཚའི་གོས་ནས་ཡོངས་བྲལ་ནས། །
འདོད་པའི་དགའ་སྟོན་མྱོང་བའི་སྨོན་འདུན་ཞུ། །
ཕན་ཚུན་འདོད་པའི་མིག་གིས་ཡོན་པོར་ལྟ། །
ཕན་ཚུན་ཆགས་པའི་དབུགས་ཐག་ཐུང་ངུར་ལེན། །
ཕན་ཚུན་དྲག་ཏུ་བསྣུན་ཅིང་གཏོད་པ་ཡི། །
ངོ་མཚར་འདོད་པའི་གར་གྱིས་འཚོ་བར་ཤོག །

མི་རྣམས་དྲག་པོའི་མཚོན་ཆ་སྣ་ཚོགས་པ། །
མཛའ་གྲོགས་འབུལ་བའི་མེ་ཏོག་ཉིད་གྱུར་ཅིང་། །
ཚིག་རྩུབ་མཚོན་ཆ་སྙིང་ལ་འཛེར་བའི་ཚོགས། །
འདོད་པས་མྱོས་པའི་གླུ་རུ་འགྱུར་བར་ཤོག །
མི་རྣམས་ཞེ་སྡང་སྦྲུལ་གྱི་དུག་ལྕེ་དག །
བརྩེ་བའི་རལ་གྲི་རྣོན་པོས་འབྲེག་པ་དང་། །
ཕན་ཚུན་སྙིང་གི་མཛའ་བོ་མཛའ་མོ་བཞིན། །
འཁྱུད་ཅིང་འོ་ཡི་སྦྱོར་བས་འཚོ་བར་ཤོག །
Powered by Blogger.

About Me

My photo
མི་ཚེ་འཁྱོལ་ཙམ། ཡིག་ངོ་ཆོད་ཙམ། རྡོག་ལམ་མཐོང་ཙམ། ཤི་མ་གསོན་ཙམ།
Thursday 26 January 2012


ད་ང་ཉོག་ཐལ།

གནམ་སྔོན་པོ་ཚད་དུ་བཙུགས་ནས་ཅིག་ཨེ་ཕྲིས་བལྟས་ཀྱང་།
ཀ་ཁ་སུམ་ཅུས་ཁ་མི་བསྲེས་ཀི
ད་ང་ཉོག་ཐལ།
ས་དོག་མོ་དཔང་དུ་བཞག་ནས་ཅིག་ཨེ་ཕྲིས་བསམས་ཀྱང་།
དབྱངས་ཡིག་བཞི་བོས་ངོ་མི་སྟོན་གི
རྩོམ་ཡིག་འཇག་སྐྱ་འཕྱུར་འཕྱུར་བྱེད་པའི་འཇིག་རྟེན་འདི་ནས།
དཔེ་དེབ་ཁང་སྐྱ་འབབ་འབབ་བྱེད་པའི་མི་ཡུལ་འདི་ནས།
ཅིག་འབྲི་བསམས་ཀྱང་འབྲི་མ་ཐུབ་ཐལ།
Monday 23 January 2012


བན་ཡུལ་བསོད་ནམས་འབུམ་སྐྱབས་ཀྱིས་འཁྲབ་ཁྲིད་བྱས་ཤིང་ན་གཞོན་སྒྱུ་རྩལ་པ་རྨོག་རུ་ཤེས་རབ་སོགས་ཀྱིས་འཁྲབས་པའི་བརྩེ་དུང་གི་གློག་བརྙན་སྨུག་པ་ཞེས་པར་གཟིགས་རོགས།
http://www.tbmtv.net/html/movie/4883.html
Sunday 22 January 2012


བོད་ཀྱི་ན་གཞོན་རྩོམ་པ་བོ་ལྡོང་ཕྲུག་གིས་འཁྲབ་ཁྲིད་བྱས་ཤིང་ན་གཞོན་སྒྱུ་ རྩལ་བ་རིག་འཛིན་ཐར་སོགས་ཀྱིས་འཁྲབ་སྟོན་བྱས་པའི་བོད་ཀྱི་རིག་གནས་ཉམས་རྒུད་ དུ་འགྲོ་བཞིན་པ་མཚོན་པའི་གློག་བརྙན་<>ཅེས་ པ་མཚོ་སྔོན་ཨ་མའི་བུ་མི་རིགས་རིག་གནས་དར་སྤེལ་ཚད་ཡོད་སྤྱི་གཉེར་ཁང་གིས་ སྒྲིག་སྦྱོར་བྱས་ཤིང་། ཟི་ལིང་སམ་བྷོ་ཊ་རིག་གནས་དར་སྤེལ་ལྟེ་གནས་ཀྱིས་པར་སྐྲུན་བྱས་ཏེ་ཉེ་ལམ་རྒྱ་ ཆེའི་གཟིགས་མོ་བའི་སྤྱན་སྔར་འགྲེམ་སྤེལ་བྱས།
གློག་བརྙན་འདིས་ད་དུང་བོད་ཀྱི་མི་རབས་གསར་རྙིང་གཉིས་ཀྱི་འཇིག་རྟེན་ལྟ་ཚུལ་ དང་རིན་ཐང་ལྟ་ཚུལ་བར་གྱི་འགལ་བ་དང་དེའི་འབྱུང་རྐྱེན། འཕེལ་རིམ། མཐར་དེ་གཉིས་གཞི་གཅིག་ཏུ་མཐུན་སྲིད་པའི་བསམ་བློ་མངོན་པར་མཚོན་ཡོད།

བོད་ཀྱི་ཆ་འཕྲིན་དྲ་བ་ལས་དྲངས།