ཚོལ་གཤེར

དྲ་ངོས་བཀླགས་གྲངས།

བཀླགས་གྲངས་མང་ཤོས


དྲ་རྒྱ་བཟོ་བཀོད་པ་བསོད་ནམས་འོད་ཟེར།

རྟག་བརྟན་གྱི་སྙན་ཚིག

—མཛའ་བོའི་དུས་ཆེན་ལ་ཕུལ་བའི་ཤིས་ཚིག
སྟག་ཤར་གཞོན་པའི་བྲང་གི་ཤ་རྒོད་དང་། །
སྨན་ཆུང་བུ་མོའི་བྲང་གི་མྱོས་བུམ་གཉིས། །
འཇིག་རྟེན་སྣང་བས་གཅིག་ཏུ་འདྲེས་པ་ཡི། །
མཛའ་བོའི་དུས་ཆེན་བསྐལ་པའི་མཐར་ཡང་དྲན། །
གསེར་གྱི་རྣ་རྒྱན་ཐག་པ་མི་འཆད་ཅིང་། །
དངུལ་དཀར་མཛུབ་དཀྲིས་ས་རུ་མི་ལྷུང་བར། །
འདོད་ལྡན་ཕོ་མོའི་འདོམ་གྱི་སྦྲང་རྩི་ཡི། །
རོ་མངར་སྐྱེ་བོ་ཀུན་གྱིས་མྱོང་བར་ཤོག །
གློག་སྒྲོན་དམར་པོའི་འོད་སྣང་ཟ་ཟིའི་ངོགས། །
དཀར་འཇམ་མལ་གྱི་སྟེགས་བུ་འབོལ་ཞིང་བདེ། །
དེ་སྟེང་ངོ་ཚའི་གོས་ནས་ཡོངས་བྲལ་ནས། །
འདོད་པའི་དགའ་སྟོན་མྱོང་བའི་སྨོན་འདུན་ཞུ། །
ཕན་ཚུན་འདོད་པའི་མིག་གིས་ཡོན་པོར་ལྟ། །
ཕན་ཚུན་ཆགས་པའི་དབུགས་ཐག་ཐུང་ངུར་ལེན། །
ཕན་ཚུན་དྲག་ཏུ་བསྣུན་ཅིང་གཏོད་པ་ཡི། །
ངོ་མཚར་འདོད་པའི་གར་གྱིས་འཚོ་བར་ཤོག །

མི་རྣམས་དྲག་པོའི་མཚོན་ཆ་སྣ་ཚོགས་པ། །
མཛའ་གྲོགས་འབུལ་བའི་མེ་ཏོག་ཉིད་གྱུར་ཅིང་། །
ཚིག་རྩུབ་མཚོན་ཆ་སྙིང་ལ་འཛེར་བའི་ཚོགས། །
འདོད་པས་མྱོས་པའི་གླུ་རུ་འགྱུར་བར་ཤོག །
མི་རྣམས་ཞེ་སྡང་སྦྲུལ་གྱི་དུག་ལྕེ་དག །
བརྩེ་བའི་རལ་གྲི་རྣོན་པོས་འབྲེག་པ་དང་། །
ཕན་ཚུན་སྙིང་གི་མཛའ་བོ་མཛའ་མོ་བཞིན། །
འཁྱུད་ཅིང་འོ་ཡི་སྦྱོར་བས་འཚོ་བར་ཤོག །
Powered by Blogger.

About Me

My photo
མི་ཚེ་འཁྱོལ་ཙམ། ཡིག་ངོ་ཆོད་ཙམ། རྡོག་ལམ་མཐོང་ཙམ། ཤི་མ་གསོན་ཙམ།
Thursday 15 March 2012


སྙིང་ཉེ་བའི་དྲ་གྲོགས་མ་ལགས། ཁྱོད་ཀྱི་ཁ་པར་མ་ཡོང་བའི་ཉི་མ་འདི་ཚོར་ཁྱོད་བདེ་མོ་ཡིན་ནམ། ངས་ཁྱོད་ཀྱིས་ཁ་པར་མ་བཏང་བ་ཙམ་གྱིས་ཁྱོད་ངའི་སྟེང་ལ་མི་དགའ་བའམ་ཁོང་ཁྲོ་ལངས་ཡོད་བསམ་གིན་མེད། ངས་ཁྱོད་ཀྱིས་མཚམས་མཚམས་ལ་ཉི་མ་རེར་ཆུ་ཚོད་བཅུ་ལྷག་ལ་བྱ་བ་སྒྲུབ་བཞིན་ཡོད་པ་ཡང་ཤེས་ཡོད། ཁྱོད་ལ་ཡང་ཁྱོད་ཀྱི་ཚོད་ཀྱི་འགྲོ་སྒོ་མང་བས་ཁྱོད་ཀྱིས་ཆུ་ཚོད་མང་པོར་བྱ་བ་མ་ལས་ན་ག་ལ་འགྲིག ངས་དེ་རིང་བརྙན་འཕྲིན་ལེ་ཚན་བརྒྱུད་དེ་ཁྱེད་ཀྱིས་ངའི་རེ་བ་དང་ལེན་བྱས་ཏེ་སྟོད་གོས་ལྗང་སྐྱ་ཞིག་གྱོན་ཡོད་པ་མཐོང་བའི་མོད་ལ། ངས་རང་གི་མི་ཚེ་གང་པོར་ཁྱེད་ལ་བྱམས་སྐྱོང་དང་བརྩེ་དུང་སྤྲོད་ན་འདོད། ཁྱོད་ཀྱིས་ལྟོས་དང་། འཇིག་རྟེན་གྱི་ཁམས་འདི་ཕོ་མོ་གཉིས་ལས་གྲུབ་ཅིང་། ཕོ་མོ་གཉིས་མཉམ་དུ་འཛོམས་ན་ད་གཟོད་འཇིག་རྟེན་གྱི་འཚོ་བ་ལ་བརྩེ་དུང་དང་དྲོད་ཁོལ་ལྡན་པ་རེད། དོ་དགོང་ངས་རྒྱ་སྐད་ཀྱི་གློག་བརྙན་བོད་བསྒྱུར་མ་"ངའི་འདོད་པ་ཚེ་གཅིག་སྐྱ་ཡ་"ཞེས་པ་དེར་ལྟ་བཞིན་ཡོད་ལ། གློག་བརྙན་དེའི་ནང་གི་བུ་མོ་ཞིག་གིས་བརྩེ་དུང་ལ་ཨུ་ཚུགས་ བྱས་ནས་ཡོང་རྒྱུ་ཡོད་ནི་མ་རེད་ཅེས་བརྗོད་སོང་།
Wednesday 14 March 2012




སྟོན་པ། ངའི་གཟན་སྣེ་མེ་རུ་འབར་སོང་།
ཁྱོད་འཇིག་རྟེན་དུ་བཞུགས་དུས།
གྲྭ་པ་རེ་རེའི་གཟན་སྣེ་རུ་ཞི་བདེའི་རླུང་བུ་རེ་རེ་ལྡང་བཞིན་ཡོད་ལ།
བླ་མ་རེ་རེའི་སྤྱན་ལམ་ན་གྲྭ་ཤག་རེ་རེར་ཆོས་དབྱངས་འཕུར།
ཁྱོད་འཇིག་རྟེན་ན་བཞུགས་དུས།
གྲྭ་པ་ལ་གྲྭ་པའི་ཚོད་ཀྱི་སྡོམ་པ་ཡོད་ཅིང་།
གྲྭ་པ་ལ་སྤྱི་ཚོགས་སྟེང་ན་གུས་ཞབས་ཡོད།
ཁྱོད་དག་ཞིང་དུ་ཕེབས་ཚར་དུས།
གྲྭ་པའི་སེམས་ལ་ཡང་ཉོན་མོངས་བརྒྱད་ཁྲི་བཞི་སྟོང་གིས་གནས་མལ་བཅས་ཤིང་།
གྲྭ་པའི་མིག་ལམ་གྱི་འཁོར་བ་ཡང་མཛེས་སྡུག་སྟོང་གི་ཉིང་བཅུད་དུ་གྲུབ་སོང་།

Tuesday 13 March 2012

dream-catcher-wedding-white
ཀླུ་སྨྱོན།

སྔོ་བསང་ནམ་མཁའི་དཀྱིལ་འཁོར་ནས། །

སྤྲིན་དཀར་ལེབ་མོ་ཡུག་གཅིག་གིས། །
མེ་ཏོག་དཀར་པོའི་ཆར་བ་ཞིག །
ཆུ་ཚོད་ཉི་ཤུ་རྩ་བཞིར་བསྙིལ། །
སྙིང་ལ་གཟན་པའི་སྡུག་གུ་མ། །
དབྱངས་ཅན་ལྷ་མོ་གཅེར་བུ་རུ། །
པི་ཝང་མེད་ལ་སོར་གདུབ་མེད། །
བདག་གི་རུམ་ལ་འཛུལ་བྱུང་ངོ་། །
བདག་ནི་སྔགས་འཆང་དྲེད་པོ་སྟེ། །
ཉིན་མཚན་མེད་པར་ར་བཟི་ཞིང་། །
ལུས་ལ་ཆགས་པའི་མེ་འབར་བས། །
དེ་རིང་བསྐལ་པ་བཟང་བྱུང་ངོ་། །