བཀླགས་གྲངས་མང་ཤོས
-
ཆུ་མོ་གངྒྰ་ཤག་ཤག་རྒྱུ་བའི་དུས། ། སྟོན་ལོ་སེར་པོ་ལྷབ་ལྷུབ་འཕུར་བའི་དུས། ། གནམ་སྔོན་སྤྲིན་པ་རླུང་གིས་གཡོ་བའི་དུས། ། བ་གླང་ཁྱུ་ཞིག...
-
སྟོན་པ། ངའི་གཟན་སྣེ་མེ་རུ་འབར་སོང་། ཁྱོད་འཇིག་རྟེན་དུ་བཞུགས་དུས། གྲྭ་པ་རེ་རེའི་གཟན་སྣེ་རུ་ཞི་བདེའི་རླུང... -
མདང་དགོང་རྨི་ལམ་ཟ་ཟི་མང་ ཡང་ཁྱད་མཚར་བོ་ཞིག་ནི་དགོན་ཆེན་ཞིག་ས་འོག་ཏུ་ནུབ་བསྡད་ཡོད་ཅིང་། དགོན་བདག་བླ་མའི་ཞལ་རས་ལ་སྐྱོ་གཉེར་དགུ་བརྩེགས་ཤིག་བ...
-
ཨ་ རིར་ འབྱོར་ ནས་ ལོ་ མང་ སོང་ བ་ དང་ ། ། ཕན་ མི་ ཐོགས་ པའི་ ངོ་ ཤེས་ འགའ་ ཡང་ ཡོད། ། ད་ ནི་ སྒྲོ་ ལོར་ ལྗང་ ཁུ་ གསོག་ དུས་ འདིར། ། སོ...
-
མདང་དགོང་རྨི་ལམ་ཅུང་ཟད་ ཉུང་ཞིང་ད་ལྟ་དྲན་ཡུལ་དུ་གཅིག་ཀྱང་མི་འདུག ཆུ་ཚོད་བརྒྱད་པ་ཙམ་ལ་གཉིད་ལས་སད་བྱུང་། ཁྲུས་ཁང་གི་སྒེའུ་ཁུང་ལས་མཁའ་དབྱིང...
དྲ་རྒྱ་བཟོ་བཀོད་པ་བསོད་ནམས་འོད་ཟེར།
About Me
- སྨྱོན་པའི་འཇིག་རྟེན།
- མི་ཚེ་འཁྱོལ་ཙམ། ཡིག་ངོ་ཆོད་ཙམ། རྡོག་ལམ་མཐོང་ཙམ། ཤི་མ་གསོན་ཙམ།
Wednesday 14 March 2012
 |
ཁྱོད་འཇིག་རྟེན་དུ་བཞུགས་དུས།
གྲྭ་པ་རེ་རེའི་གཟན་སྣེ་རུ་ཞི་བདེའི་རླུང་བུ་རེ་རེ་ལྡང་བཞིན་ཡོད་ལ།
བླ་མ་རེ་རེའི་སྤྱན་ལམ་ན་གྲྭ་ཤག་རེ་རེར་ཆོས་དབྱངས་འཕུར།
ཁྱོད་འཇིག་རྟེན་ན་བཞུགས་དུས།
གྲྭ་པ་ལ་གྲྭ་པའི་ཚོད་ཀྱི་སྡོམ་པ་ཡོད་ཅིང་།
གྲྭ་པ་ལ་སྤྱི་ཚོགས་སྟེང་ན་གུས་ཞབས་ཡོད།
ཁྱོད་དག་ཞིང་དུ་ཕེབས་ཚར་དུས།
གྲྭ་པའི་སེམས་ལ་ཡང་ཉོན་མོངས་བརྒྱད་ཁྲི་བཞི་སྟོང་གིས་གནས་མལ་བཅས་ཤིང་།
གྲྭ་པའི་མིག་ལམ་གྱི་འཁོར་བ་ཡང་མཛེས་སྡུག་སྟོང་གི་ཉིང་བཅུད་དུ་གྲུབ་སོང་།
ལྷག་པར་དུ་ན་ནིང་དོ་ཚིགས།
སྟོན་པ་ཁྱེད་ཀྱི་གྲྭ་པ་ཚོས་ཅི་ཞིག་བསམ་བཞིན་པ་མི་ཤེས་མོད།
གྲྭ་པ་མང་པོ་ཞིག་གི་གཟན་སྣེ་མེ་རུ་འབར་སོང་།
མེ་དེས་གྲྭ་པ་རེ་རེའི་སྐུ་ལུས་བསྲེགས་ཤིང་།
མཐའ་སྐོར་གྱི་མི་སྐྱ་ཚོའི་སློག་ཧྲུལ་ཡང་བསྲེག་གྲབ་བྱས་སོང་།
སྟོན་པ་འཇིག་རྟེན་དུ་མི་བཞུགས་དུས།
སངས་རྒྱས་ཀྱི་ཆོས་སྒྲ་ཇེ་གཉོམ་ནས་ཇེ་གཉོམ་དང་།
གྲྭ་པ་ཚོའི་གཟན་སྣེ་རུ་མེ་ལྕེ་རེ་གཅིག་རྗེས་གཉིས་མཐུད།
སྤྱིར་ན་གཟན་དམར་པོ་འདི་ཚོས་མེ་ལྕེ་རེ་རེ་མཚོན་ཞིང་།
དེ་ཡང་འདོད་ཆགས་ལྟ་བུའི་མེ་ལྕེ་ཞིག་ཅིས་ཀྱང་མཚོན་འོས།
སྟོན་པ་ཡ་སྟོན་པ།
ཁྱེད་ཀྱི་བསླབ་བྱ་ཟབ་མོ་དག་གཞི་རུ་བཞག་སྟེ་དཔྱད་ན།
མེ་ལྕེ་འདི་དག་གྲྭ་པ་ཚོའི་སེམས་གཏིང་དུ་འབར་དགོས་པ་ཞིག་ཡིན་མོད།
དུས་ངན་སྙིགས་མ་ལྔ་བདོའི་དུས་འདིར།
མེ་ལྕེ་འདི་དག་གྲྭ་རྐྱང་ཚོའི་གཟན་སྣེ་རུ་འབར་བྱུང་ཨང་།
དག་ཞིང་གང་ཞིག་ཏུ་བཞུགས་མིན་མི་ཤེས་པའི་སྟོན་པ།
གྲྭ་གཟན་མེ་རུ་འབར་བ་མི་གཟིགས་པའི་སྟོན་པ།
ཀྱེ་མ་བདག་གི་སྟོན་པ་ཡ།
ང་དང་ངའི་ཆོས་གྲོགས་ཚོའི་གཟན་སྣེ་རུ་མེ་ལྕེ་རེ་རེ་འབར་བྱུང་ཨང་།
Subscribe to:
Post Comments
(Atom)
0 བསམ་ཚུལ་འདོན་པ།:
Post a Comment