བཀླགས་གྲངས་མང་ཤོས
-
ཆུ་མོ་གངྒྰ་ཤག་ཤག་རྒྱུ་བའི་དུས། ། སྟོན་ལོ་སེར་པོ་ལྷབ་ལྷུབ་འཕུར་བའི་དུས། ། གནམ་སྔོན་སྤྲིན་པ་རླུང་གིས་གཡོ་བའི་དུས། ། བ་གླང་ཁྱུ་ཞིག...
-
སྟོན་པ། ངའི་གཟན་སྣེ་མེ་རུ་འབར་སོང་། ཁྱོད་འཇིག་རྟེན་དུ་བཞུགས་དུས། གྲྭ་པ་རེ་རེའི་གཟན་སྣེ་རུ་ཞི་བདེའི་རླུང... -
མདང་དགོང་རྨི་ལམ་ཟ་ཟི་མང་ ཡང་ཁྱད་མཚར་བོ་ཞིག་ནི་དགོན་ཆེན་ཞིག་ས་འོག་ཏུ་ནུབ་བསྡད་ཡོད་ཅིང་། དགོན་བདག་བླ་མའི་ཞལ་རས་ལ་སྐྱོ་གཉེར་དགུ་བརྩེགས་ཤིག་བ...
-
ཨ་ རིར་ འབྱོར་ ནས་ ལོ་ མང་ སོང་ བ་ དང་ ། ། ཕན་ མི་ ཐོགས་ པའི་ ངོ་ ཤེས་ འགའ་ ཡང་ ཡོད། ། ད་ ནི་ སྒྲོ་ ལོར་ ལྗང་ ཁུ་ གསོག་ དུས་ འདིར། ། སོ...
-
མདང་དགོང་རྨི་ལམ་ཅུང་ཟད་ ཉུང་ཞིང་ད་ལྟ་དྲན་ཡུལ་དུ་གཅིག་ཀྱང་མི་འདུག ཆུ་ཚོད་བརྒྱད་པ་ཙམ་ལ་གཉིད་ལས་སད་བྱུང་། ཁྲུས་ཁང་གི་སྒེའུ་ཁུང་ལས་མཁའ་དབྱིང...
དྲ་རྒྱ་བཟོ་བཀོད་པ་བསོད་ནམས་འོད་ཟེར།
About Me
- སྨྱོན་པའི་འཇིག་རྟེན།
- མི་ཚེ་འཁྱོལ་ཙམ། ཡིག་ངོ་ཆོད་ཙམ། རྡོག་ལམ་མཐོང་ཙམ། ཤི་མ་གསོན་ཙམ།
Tuesday 11 October 2011
----གཅིག་རྗེས་གཉིས་མཐུད་དུ་འབར་བའི་མེ་ལྕེ་མང་པོ་ཞིག་ལ་རྗེས་དྲན་དུ་ཕུལ།
མེ་ལྕེ་དམར་ལྷེམ་ལྷེམ།
གྲྭ་ཆས་དམར་ལྷེམ་ལྷེམ།
མི་སེམས་དམར་ལྷེམ་ལྷེམ།
དམར་ལྷེམ་ལྷེམ་གྱི་མེ་ལྕེ་མང་པོ་གཞི་གཅིག་ཏུ་འདྲེས་དུས།
གངས་རིའི་ངོས་སུ་ཡང་དེའི་གཟི་འོད་ཅིག་ལྡོག་འཕྲོས་བྱེད་བཞིན་ཡོད།
པོ་ཏ་ལའི་རྡོ་ཐེམ་རེ་རེ་ཡང་ཚ་དྲོད་རྒྱས་ནས་གོམ་པ་སྤོ་ཐབས་བྲལ།
བར་སྣང་ནས་ཁ་བ་ཡང་མེ་ལྕེའི་དབྱིབས་སུ་གྱུར་ནས་དྲག་ཏུ་འབབ།
མེ་ལྕེ་ཡིས་མི་ལུས་བསྲེགས་སོང་།
མེ་ལྕེ་ཡིས་མི་སེམས་བརླན་སོང་།
མེ་ལྕེ་ཡིས་ལོ་རྒྱུས་བྲིས་སོང་།
མེ་ལྕེ་ཡིས་འཛམ་གླིང་འཁྱུད་སོང་།
མེ་ལྕེ་གཅིག མེ་ལྕེ་གཉིས། མེ་ལྕེ་གསུམ། ་་་ ་་་
མེ་ལྕེ་ཡིས་མུན་པ་སེལ་བ་དོན་དངོས་རེད།
མེ་ལྕེ་ཡིས་གནས་ལུགས་སྟོན་པ་བདེན་དོན་རེད།
མེ་ལྕེ་ཡིས་སྤོབས་པ་མཚོན་པ་མངོན་སུམ་རེད།
མི་ལུས་མཆོད་སྦྱིན་དུ་བྱས་པའི་མེ་ལྕེ།
མི་རིགས་མུན་ནག་ལས་སྐྱོབ་པའི་མེ་ལྕེ།
མི་སེམས་དབང་མེད་དུ་སྒུལ་བའི་མེ་ལྕེ།
ཆོས་ལུགས་ཀྱི་རྒྱབ་ལྗོངས་མཐུག་པའི་མེ་ལྕེ།
སྲིད་དོན་གྱི་དཀའ་རྙོག་མཚོན་པའི་མེ་ལྕེ།
མིའི་རིགས་ཀྱི་མཐའ་མཇུག་གི་རེ་འདུན་སྟོན་པའི་མེ་ལྕེ།
ཚེ་སྲོག་གི་དམར་མཆོད་འབུལ་བའི་མེ་ལྕེ།
འབར་མཚམས་མི་འཇོག་པའི་མེ་ལྕེ་འདི་དག་གིས།
མི་རིགས་ཀྱི་ཆེས་འགག་རྩར་ཐུག་པའི་ཉམས་ཉེན་ཞིག་སྟོན་ཅིང་།
མི་རིགས་ཀྱི་སྙིང་དབུས་སུ་མནན་པའི་ཚེ་སྲོག་གི་དུང་བརྡ་ཞིག་སྒྲོག
མེ་ལྕེ་གཅིག་མེ་ལྕེ་ལྔ་དྲུག་ཏུ་གྱུར་ཅིང་།
མེ་ལྕེ་དེ་དག་མེ་ལྕེ་བརྒྱ་ཕྲག་དང་སྟོང་ཕྲག་ཏུ་གྱུར་དུས།
ད་དུང་སངས་མི་ཐུབ་པའི་མུན་ནག་ཅིག་ཡོད་མི་སྲིད།
ད་དུང་སད་མི་ཐུབ་པའི་རྨི་ལམ་ཞིག་ཡོད་མི་སྲིད།
Subscribe to:
Post Comments
(Atom)
0 བསམ་ཚུལ་འདོན་པ།:
Post a Comment