བཀླགས་གྲངས་མང་ཤོས
-
ཆུ་མོ་གངྒྰ་ཤག་ཤག་རྒྱུ་བའི་དུས། ། སྟོན་ལོ་སེར་པོ་ལྷབ་ལྷུབ་འཕུར་བའི་དུས། ། གནམ་སྔོན་སྤྲིན་པ་རླུང་གིས་གཡོ་བའི་དུས། ། བ་གླང་ཁྱུ་ཞིག...
-
སྟོན་པ། ངའི་གཟན་སྣེ་མེ་རུ་འབར་སོང་། ཁྱོད་འཇིག་རྟེན་དུ་བཞུགས་དུས། གྲྭ་པ་རེ་རེའི་གཟན་སྣེ་རུ་ཞི་བདེའི་རླུང... -
མདང་དགོང་རྨི་ལམ་ཟ་ཟི་མང་ ཡང་ཁྱད་མཚར་བོ་ཞིག་ནི་དགོན་ཆེན་ཞིག་ས་འོག་ཏུ་ནུབ་བསྡད་ཡོད་ཅིང་། དགོན་བདག་བླ་མའི་ཞལ་རས་ལ་སྐྱོ་གཉེར་དགུ་བརྩེགས་ཤིག་བ...
-
ཨ་ རིར་ འབྱོར་ ནས་ ལོ་ མང་ སོང་ བ་ དང་ ། ། ཕན་ མི་ ཐོགས་ པའི་ ངོ་ ཤེས་ འགའ་ ཡང་ ཡོད། ། ད་ ནི་ སྒྲོ་ ལོར་ ལྗང་ ཁུ་ གསོག་ དུས་ འདིར། ། སོ...
-
མདང་དགོང་རྨི་ལམ་ཅུང་ཟད་ ཉུང་ཞིང་ད་ལྟ་དྲན་ཡུལ་དུ་གཅིག་ཀྱང་མི་འདུག ཆུ་ཚོད་བརྒྱད་པ་ཙམ་ལ་གཉིད་ལས་སད་བྱུང་། ཁྲུས་ཁང་གི་སྒེའུ་ཁུང་ལས་མཁའ་དབྱིང...
དྲ་རྒྱ་བཟོ་བཀོད་པ་བསོད་ནམས་འོད་ཟེར།
About Me
- སྨྱོན་པའི་འཇིག་རྟེན།
- མི་ཚེ་འཁྱོལ་ཙམ། ཡིག་ངོ་ཆོད་ཙམ། རྡོག་ལམ་མཐོང་ཙམ། ཤི་མ་གསོན་ཙམ།
Monday 18 June 2012
གླུ་འདི་དང་པོ་གང་ནས་འོངས།
གླུ་འདི་དང་པོ་གནམ་ནས་འོངས།
གནམ་གྱི་དགུ་ཚིགས་ངོས་ནས་འོངས།
སྤྲིན་གྱི་ཕྲ་ཚོམ་བརྒྱུད་ནས་འོངས།
འཇའ་ཚོན་སྐས་ཐེམ་ཉུལ་ནས་འོངས།
ཆར་བའི་རྒྱུན་དང་འདྲེས་ནས་འོངས།
གློག་དམར་འོད་དང་བསྡེབས་ནས་འོངས།
བར་སྣང་སྟོང་བར་འཁྱུད་ནས་འོངས།
ཉི་ཟླའི་སྣང་བར་འཇུས་ནས་འོངས།
རླུང་གི་དཀྱིལ་འཁོར་བརྒལ་ནས་འོངས།
ལྗོན་པའི་ཡལ་གར་འཐམ་བཞིན་འོངས།
མེ་ཏོག་འདབ་མ་སྒུལ་བཞིན་འོངས།
སྦྲང་མའི་གཤོག་པ་བཀྲུ་བཞིན་འོངས།
ཕྱེ་ལེབ་གར་སྟབས་སློབ་བཞིན་འོངས།
རྦབ་ཆུའི་ཟེགས་མ་འཐུང་བཞིན་འོངས།
ཞིང་གྲོང་དུ་ཞགས་སྣོམ་བཞིན་འོངས།
ཞིང་པའི་རྔུལ་ནག་སྐེམ་བཞིན་འོངས།
བྱ་ཕོའི་སྒོ་ང་རུམ་བཞིན་འོངས།
འབྲོག་སླས་ལྕི་བ་འཐུ་བཞིན་འོངས།
འབྲོག་མོའི་ཟུར་མིག་བཤོལ་བཞིན་འོངས།
འབྲོག་ཕྲུག་སྣབས་ཏོ་འབྱིད་བཞིན་འོངས།
རྒན་རྒོན་འོ་ཇ་འདྲེན་བཞིན་འོངས།
བྱིས་པར་དགོད་ཁ་སློང་བཞིན་འོངས།
དགོན་ཆེན་རྒྱ་ཕིབས་བགྲང་བཞིན་འོངས།
དུང་དཀར་རྒྱང་འབུད་ཉན་བཞིན་འོངས།
ལྷ་ཁང་རེ་རེར་མཇལ་བཞིན་འོངས།
གྲྭ་ཆུང་གཉིད་ལས་སློང་བཞིན་འོངས།
དབྱངས་གསལ་སོ་བཞི་སློབ་བཞིན་འོངས།
སློབ་གྲྭའི་ཅོང་བརྡ་སྒྲོག་བཞིན་འོངས།
སློབ་དེབ་གསར་བ་རྗེ་བཞིན་འོངས།
སློབ་སྨྱུག་རྩེ་མོ་གཞོག་བཞིན་འོངས།
དགེ་རྒན་སེམས་ཤུགས་སྤར་བཞིན་འོངས།
སྒོ་ཟོག་གཡུང་ལ་འཕབ་བཞིན་འོངས།
འོ་ཞོའི་བྲོ་བ་མྱོང་བཞིན་འོངས།
སྦྲང་དཀར་རྩམ་པ་རྫི་བཞིན་འོངས།
ནས་ཆང་བཙན་པོ་འཐུང་བཞིན་འོངས།
མིག་ཆུའི་སྙན་ངག་འབྲི་བཞིན་འོངས།
ཁྲག་གི་གཏམ་རྒྱུད་གྱེར་བཞིན་འོངས།
གངས་རིའི་སྐྱོ་གར་འཁྲབ་བཞིན་འོངས།
མུན་པ་མེ་ལ་སྲེག་བཞིན་འོངས།
འོད་སྣང་གཅལ་དུ་འགྲེམ་བཞིན་འོངས།
གཡུ་སྦྲའི་ཆོན་ཐག་སྒུལ་བཞིན་འོངས།
རི་སྒང་དར་ལྕོག་འཛུག་བཞིན་འོངས།
མ་ཎི་ཆུ་འཁོར་སྐོར་བཞིན་འོངས།
རྡོ་བརྐོས་བཀའ་འགྱུར་རྩིག་བཞིན་འོངས།
ཕ་མཁར་སྨུག་པོ་འཚོལ་བཞིན་འོངས།
ཕ་ཡུལ་གངས་ལྗོངས་བསམ་བཞིན་འོངས།
ཕ་སྐད་སྙན་མོ་འཆད་བཞིན་འོངས།
ཕ་མེས་རྣམ་ཤེས་སྦྲུམ་བཞིན་འོངས།
ད་ནི་གླུ་འདི་གང་དུ་འགྲོ
གླུ་འདི་རྒྱ་མཚོའི་མཐིལ་དུ་འགྲོ།
བྱུ་རུའི་སྡོང་བོ་འཚོལ་དུ་འགྲོ།
འོད་ཀྱི་རྦ་རླབས་འགྱེད་དུ་འགྲོ།
ལྷིང་འཇགས་དུར་ས་འཚོལ་དུ་འགྲོ།
ལོ་སྟོང་གཉིད་དུ་ཡུར་བར་འགྲོ
ལོ་རྒྱུས་རྡོ་རུ་སྒྱུར་བར་འགྲོ
བདེ་བར་གྱིས་ཤིག་མགོ་ནག་བོད།
སྐྱིད་པར་བཞུགས་ཤིག་གངས་ཅན་པ།
Subscribe to:
Post Comments
(Atom)
0 བསམ་ཚུལ་འདོན་པ།:
Post a Comment