ཟིན་བྲིས་ཀྱི་སྡེ་ཚན
ཚོལ་གཤེར
དྲ་ངོས་བཀླགས་གྲངས།
བཀླགས་གྲངས་མང་ཤོས
-
ཆུ་མོ་གངྒྰ་ཤག་ཤག་རྒྱུ་བའི་དུས། ། སྟོན་ལོ་སེར་པོ་ལྷབ་ལྷུབ་འཕུར་བའི་དུས། ། གནམ་སྔོན་སྤྲིན་པ་རླུང་གིས་གཡོ་བའི་དུས། ། བ་གླང་ཁྱུ་ཞིག...
-
སྟོན་པ། ངའི་གཟན་སྣེ་མེ་རུ་འབར་སོང་། ཁྱོད་འཇིག་རྟེན་དུ་བཞུགས་དུས། གྲྭ་པ་རེ་རེའི་གཟན་སྣེ་རུ་ཞི་བདེའི་རླུང...
-
མདང་དགོང་རྨི་ལམ་ཟ་ཟི་མང་ ཡང་ཁྱད་མཚར་བོ་ཞིག་ནི་དགོན་ཆེན་ཞིག་ས་འོག་ཏུ་ནུབ་བསྡད་ཡོད་ཅིང་། དགོན་བདག་བླ་མའི་ཞལ་རས་ལ་སྐྱོ་གཉེར་དགུ་བརྩེགས་ཤིག་བ...
-
ཨ་ རིར་ འབྱོར་ ནས་ ལོ་ མང་ སོང་ བ་ དང་ ། ། ཕན་ མི་ ཐོགས་ པའི་ ངོ་ ཤེས་ འགའ་ ཡང་ ཡོད། ། ད་ ནི་ སྒྲོ་ ལོར་ ལྗང་ ཁུ་ གསོག་ དུས་ འདིར། ། སོ...
-
མདང་དགོང་རྨི་ལམ་ཅུང་ཟད་ ཉུང་ཞིང་ད་ལྟ་དྲན་ཡུལ་དུ་གཅིག་ཀྱང་མི་འདུག ཆུ་ཚོད་བརྒྱད་པ་ཙམ་ལ་གཉིད་ལས་སད་བྱུང་། ཁྲུས་ཁང་གི་སྒེའུ་ཁུང་ལས་མཁའ་དབྱིང...
ཡིག་ཚགས
-
►
2012
(39)
- 09/23 - 09/30 (1)
- 07/22 - 07/29 (1)
- 07/01 - 07/08 (1)
- 06/24 - 07/01 (1)
- 06/17 - 06/24 (1)
- 06/10 - 06/17 (1)
- 06/03 - 06/10 (1)
- 05/27 - 06/03 (2)
- 05/20 - 05/27 (2)
- 05/13 - 05/20 (1)
- 04/29 - 05/06 (3)
- 04/22 - 04/29 (2)
- 04/01 - 04/08 (3)
- 03/18 - 03/25 (2)
- 03/11 - 03/18 (3)
- 03/04 - 03/11 (1)
- 02/05 - 02/12 (1)
- 01/29 - 02/05 (2)
- 01/22 - 01/29 (3)
- 01/15 - 01/22 (2)
- 01/08 - 01/15 (3)
- 01/01 - 01/08 (2)
-
▼
2011
(94)
- 12/25 - 01/01 (2)
- 12/18 - 12/25 (5)
- 12/11 - 12/18 (3)
- 12/04 - 12/11 (3)
- 11/20 - 11/27 (1)
- 11/13 - 11/20 (3)
- 11/06 - 11/13 (3)
- 10/30 - 11/06 (6)
- 10/23 - 10/30 (6)
- 10/16 - 10/23 (7)
- 10/09 - 10/16 (8)
- 10/02 - 10/09 (6)
- 09/25 - 10/02 (3)
- 09/18 - 09/25 (1)
- 09/11 - 09/18 (1)
- 09/04 - 09/11 (2)
- 08/28 - 09/04 (2)
- 07/24 - 07/31 (1)
- 06/26 - 07/03 (1)
- 06/12 - 06/19 (1)
- 06/05 - 06/12 (1)
- 05/29 - 06/05 (1)
- 05/22 - 05/29 (2)
- 04/10 - 04/17 (2)
- 04/03 - 04/10 (3)
- 03/27 - 04/03 (4)
- 03/20 - 03/27 (2)
- 03/13 - 03/20 (3)
- 03/06 - 03/13 (8)
- 02/27 - 03/06 (1)
- 02/20 - 02/27 (2)
རྟག་བརྟན་གྱི་སྙན་ཚིག
—མཛའ་བོའི་དུས་ཆེན་ལ་ཕུལ་བའི་ཤིས་ཚིག
སྟག་ཤར་གཞོན་པའི་བྲང་གི་ཤ་རྒོད་དང་། །
སྨན་ཆུང་བུ་མོའི་བྲང་གི་མྱོས་བུམ་གཉིས། །
འཇིག་རྟེན་སྣང་བས་གཅིག་ཏུ་འདྲེས་པ་ཡི། །
མཛའ་བོའི་དུས་ཆེན་བསྐལ་པའི་མཐར་ཡང་དྲན། །
གསེར་གྱི་རྣ་རྒྱན་ཐག་པ་མི་འཆད་ཅིང་། །
དངུལ་དཀར་མཛུབ་དཀྲིས་ས་རུ་མི་ལྷུང་བར། །
འདོད་ལྡན་ཕོ་མོའི་འདོམ་གྱི་སྦྲང་རྩི་ཡི། །
རོ་མངར་སྐྱེ་བོ་ཀུན་གྱིས་མྱོང་བར་ཤོག །
གློག་སྒྲོན་དམར་པོའི་འོད་སྣང་ཟ་ཟིའི་ངོགས། །
དཀར་འཇམ་མལ་གྱི་སྟེགས་བུ་འབོལ་ཞིང་བདེ། །
དེ་སྟེང་ངོ་ཚའི་གོས་ནས་ཡོངས་བྲལ་ནས། །
འདོད་པའི་དགའ་སྟོན་མྱོང་བའི་སྨོན་འདུན་ཞུ། །
ཕན་ཚུན་འདོད་པའི་མིག་གིས་ཡོན་པོར་ལྟ། །
ཕན་ཚུན་ཆགས་པའི་དབུགས་ཐག་ཐུང་ངུར་ལེན། །
ཕན་ཚུན་དྲག་ཏུ་བསྣུན་ཅིང་གཏོད་པ་ཡི། །
ངོ་མཚར་འདོད་པའི་གར་གྱིས་འཚོ་བར་ཤོག །
མི་རྣམས་དྲག་པོའི་མཚོན་ཆ་སྣ་ཚོགས་པ། །
མཛའ་གྲོགས་འབུལ་བའི་མེ་ཏོག་ཉིད་གྱུར་ཅིང་། །
ཚིག་རྩུབ་མཚོན་ཆ་སྙིང་ལ་འཛེར་བའི་ཚོགས། །
འདོད་པས་མྱོས་པའི་གླུ་རུ་འགྱུར་བར་ཤོག །
མི་རྣམས་ཞེ་སྡང་སྦྲུལ་གྱི་དུག་ལྕེ་དག །
བརྩེ་བའི་རལ་གྲི་རྣོན་པོས་འབྲེག་པ་དང་། །
ཕན་ཚུན་སྙིང་གི་མཛའ་བོ་མཛའ་མོ་བཞིན། །
འཁྱུད་ཅིང་འོ་ཡི་སྦྱོར་བས་འཚོ་བར་ཤོག །
སྟག་ཤར་གཞོན་པའི་བྲང་གི་ཤ་རྒོད་དང་། །
སྨན་ཆུང་བུ་མོའི་བྲང་གི་མྱོས་བུམ་གཉིས། །
འཇིག་རྟེན་སྣང་བས་གཅིག་ཏུ་འདྲེས་པ་ཡི། །
མཛའ་བོའི་དུས་ཆེན་བསྐལ་པའི་མཐར་ཡང་དྲན། །
གསེར་གྱི་རྣ་རྒྱན་ཐག་པ་མི་འཆད་ཅིང་། །
དངུལ་དཀར་མཛུབ་དཀྲིས་ས་རུ་མི་ལྷུང་བར། །
འདོད་ལྡན་ཕོ་མོའི་འདོམ་གྱི་སྦྲང་རྩི་ཡི། །
རོ་མངར་སྐྱེ་བོ་ཀུན་གྱིས་མྱོང་བར་ཤོག །
གློག་སྒྲོན་དམར་པོའི་འོད་སྣང་ཟ་ཟིའི་ངོགས། །
དཀར་འཇམ་མལ་གྱི་སྟེགས་བུ་འབོལ་ཞིང་བདེ། །
དེ་སྟེང་ངོ་ཚའི་གོས་ནས་ཡོངས་བྲལ་ནས། །
འདོད་པའི་དགའ་སྟོན་མྱོང་བའི་སྨོན་འདུན་ཞུ། །
ཕན་ཚུན་འདོད་པའི་མིག་གིས་ཡོན་པོར་ལྟ། །
ཕན་ཚུན་ཆགས་པའི་དབུགས་ཐག་ཐུང་ངུར་ལེན། །
ཕན་ཚུན་དྲག་ཏུ་བསྣུན་ཅིང་གཏོད་པ་ཡི། །
ངོ་མཚར་འདོད་པའི་གར་གྱིས་འཚོ་བར་ཤོག །
མི་རྣམས་དྲག་པོའི་མཚོན་ཆ་སྣ་ཚོགས་པ། །
མཛའ་གྲོགས་འབུལ་བའི་མེ་ཏོག་ཉིད་གྱུར་ཅིང་། །
ཚིག་རྩུབ་མཚོན་ཆ་སྙིང་ལ་འཛེར་བའི་ཚོགས། །
འདོད་པས་མྱོས་པའི་གླུ་རུ་འགྱུར་བར་ཤོག །
མི་རྣམས་ཞེ་སྡང་སྦྲུལ་གྱི་དུག་ལྕེ་དག །
བརྩེ་བའི་རལ་གྲི་རྣོན་པོས་འབྲེག་པ་དང་། །
ཕན་ཚུན་སྙིང་གི་མཛའ་བོ་མཛའ་མོ་བཞིན། །
འཁྱུད་ཅིང་འོ་ཡི་སྦྱོར་བས་འཚོ་བར་ཤོག །
Powered by Blogger.
About Me
- སྨྱོན་པའི་འཇིག་རྟེན།
- མི་ཚེ་འཁྱོལ་ཙམ། ཡིག་ངོ་ཆོད་ཙམ། རྡོག་ལམ་མཐོང་ཙམ། ཤི་མ་གསོན་ཙམ།
Friday 9 September 2011
---གྲོགས་ པོ་ ཞིག་ གི་ ཚབ་ བྱས་ ནས་ བྲིས།
དེ་ དུས་ ནི་ ན་ ནིང་ དཔྱིད་ ཀའི་ ཉིན་ གུང་ ཞིག་ ཡིན། ཡོ་ རོབ་ ཏུ་ ཡོད་ པའི་ ཕ་ ཡུལ་ གཅིག་ པའི་ སྨྱུག་ གྲོགས་ དེས་ དྲ་ ངོས་ སུ་ ལ་ གཞས་ ལེན་ དུ་ ཤོག་ ཅེས་ བསྐུལ་ བས་ མ་ བསམས་ ས་ ནས་ ཁྱོད་ ལ་ ཐུག་ སོང་ ། སྐབས་ དེར་ ཁྱེད་ ཀྱིས་ མི་ བཅུ་ གྲངས་ དེའི་ གྲས་ ནས་ ང་ ལ་ བརྩེ་ གླུ་ ལེན་ གི་ ཡིན་ ཟེར་ ནས་ ཤོར་ ཡོང་ ལ། རྨི་ ལམ་ དུ་ ཡང་ མ་ དྲན་ པ་ ཞིག་ ལ་ ཁྱེད་ ནི་ ངོ་ མ་ ཆེས་ ཡིད་ དབང་ འཕྲོག་ པའི་ སྐད་ ངག་ སྙན་ མོ་ ཞིག་ ཡོད་ འདུག ངས་ ཀྱང་ རང་ གི་ སྐད་ ངག་ འཛེར་ བོ་ དེ་ སྤྱད་ ནས་ ལོ་ མང་ མ་ བླངས་ པའི་ ཕ་ ཡུལ་ གྱི་ ལ་ གཞས་ ཤིག་ བླངས་ པ་ ཡིན།
ཉི་ མ་ དེ་ ནས་ བཟུང་ སྟེ་ ངེད་ གཉིས་ དེ་ ལྟར་ ངོ་ ཤེས་ ཤིང་ རྒྱུས་ ཡོད་ པར་ གྱུར་ ཅིང་ ། ཟླ་ བ་ མང་ པོ་ ཞིག་ གི་ རྗེས་ སུ་ ཕན་ ཚུན་ ལ་ ལྷད་ མེད་ པའི་ བརྩེ་ དུང་ ཆགས། དེ་ ཡང་ ཕོ་ མོ་ གཉིས་ ནམ་ ཡང་ ངོ་ མ་ ཐུག་ པའི་ རྒྱང་ རིང་ གི་ བརྩེ་ དུང་ ཆགས། རི་ ཁྲི་ ཆུ་ སྟོང་ གིས་ བར་ ཆོད་ པའི་ བརྩེ་ དུང་ ཞིག་ ཆགས། མཐའ་ ཡས་ རྒྱ་ མཚོའི་ ཕར་ ཚུར་ ན་ ལུས་ པའི་ བརྩེ་ དུང་ ཞིག་ ཆགས།
ང་ རང་ ཆུང་ ཆུང་ ཡིན་ དུས་ ཁྱེད་ ཀྱི་ ཕ་ ཡུལ་ དུ་ པཎ་ ཆེན་ རིན་ པོ་ ཆེར་ མཇལ་ དུ་ ཐེངས་ ཤིག་ ཡོང་ མྱོང་ ལ། དེ་ དུས་ ཁྱེད་ ཀྱི་ ཕ་ ཡུལ་ གྱི་ རུ་ སྡེ་ བརྒྱུད་ ནས་ སོང་ མྱོང་ འདུག དེ་ དུས་ ཁྱེད་ ཀྱང་ བྱིས་ པ་ ཆུང་ ཆུང་ ཞིག་ ཡིན་ ཞིང་ ། ངེད་ གཉིས་ ཀྱིས་ སྔ་ ཕྱིར་ པཎ་ ཆེན་ རིན་ པོ་ ཆེ་ མཆོག་ གི་ བྱིན་ རླབས་ ཞུས་ ཡོད། ཡིན་ ན་ ཡང་ ། དེ་ དུས་ ངེད་ གཉིས་ སུ་ ཡིན་ ཡང་ མི་ ལོ་ སུམ་ ཅུའི་ རྗེས་ སུ་ གཞི་ ནས་ ཤར་ ནུབ་ ཀྱི་ རྒྱ་ མཚོ་ ཆེན་ པོའི་ ཕར་ ཚུར་ ནས་ དྲི་ མ་ མེད་ པའི་ འདང་ བརྩེ་ ཞིག་ ཕན་ ཚུན་ ལ་ ལེགས་ སྐྱེས་ སུ་ འབུལ་ རྒྱུ་ ཡིན་ པ་ ནི་ རྨི་ ལམ་ དུ་ ཡང་ འཁོར་ མི་ སྲིད་ པ་ ཞིག་ རེད་ ཨང་ །
ཁྱེད་ ཀྱིས་ ཆུང་ དུས་ ནས་ ཀྱག་ ཀྱོག་ གི་ མི་ ཚེ་ ཞིག་ བརྒྱུད་ ནས་ ཡོང་ བ་ ཡིན་ ཟེར་ ཞིང་ ། དེའི་ ལྟེབས་ ཁུག་ ན་ ལུས་ པའི་ རྨ་ ཤུལ་ མང་ པོ་ ཞིག་ གིས་ ངའི་ མིག་ མཐར་ མཆི་ མ་ འཁྱིལ་ དུ་ བཅུག་ མྱོང་ ལ། ངས་ ཀྱང་ འབར་ འབུར་ མང་ པའི་ ལམ་ བུ་ ཞིག་ བརྒྱུད་ ནས་ མི་ ཚེའི་ ཕྱེད་ ཀ་ ས་ མཐའ་ ནས་ བསྐྱལ་ བ་ ཡིན། འུ་ གཉིས་ ལ་ འདྲ་ ས་ ཞིག་ ཡོད་ པ་ ནི་ སུ་ ཡིན་ ཡང་ སྙིང་ དམར་ པོ་ འདི་ ལ་ འདུག་ རོགས་ ཤིག་ དང་ ། ཤ་ མཆིན་ པ་ འདི་ ལ་ གླན་ རོགས་ ཤིག་ འཚོལ་ བཞིན་ པ་ དེའོ།།
ཁྱེད་ ཀྱིས་ པེ་ ཅིན་ མཁར་ ནས་ རྒྱ་ མི་ ལག་ རིས་ མཁས་ པ་ དེའི་ ལུང་ བསྟན་ ཐིགས་ པོ་ དེ་ ང་ ལ་ མ་ གསང་ བར་ བརྗོད་ པ་ དང་ ། ཡང་ ཁྱེད་ ཀྱི་ ཧ་ ཅང་ ཐིགས་ པའི་ རྨི་ ལམ་ དེ་ ཡང་ ང་ ལ་ མ་ བསྐུངས་ པར་ བཤད་ པ་ མ་ ཡིན་ ནམ། ཁྱེད་ ཀྱིས་ ངའི་ ཁ་ པར་ ནང་ གི་ ཁ་ བརྡ་ དེའི་ རྗེས་ སུ་ ཡུད་ ཙམ་ རིང་ ངུས་ བསྡད་ པ་ ཡིན་ ཞེས་ བརྗོད་ པ་ དང་ ། ཁྱེད་ ཀྱིས་ ང་ ལ་ ཉི་ འོད་ འཇམ་ ཞིང་ རྦབ་ ཆུ་ བརྡོལ་ བའི་ བལ་ ཡུལ་ གྱི་ མཛེས་ ལྗོངས་ ཤིག་ ནས་ ཁྱེད་ ཀྱིས་ རྩོམ་ འབྲི་ བ་ དང་ ངས་ ནང་ ལས་ རེ་ བྱེད་ བཞིན་ མི་ ཚེ་ བསྐྱལ་ ན་ འདོད་ ཅེས་ བརྗོད་ པ་ མ་ ཡིན་ ནམ།
ཁྱེད་ ཀྱིས་ དྲ་ ལམ་ བརྒྱུད་ ནས་ ཁྱེད་ ཀྱི་ འདྲ་ པར་ དང་ སྡོད་ གནས། མིང་ པོ་ དང་ སྲུ་ མོ། ཚ་ བོ་ ཚ་ མོ་ སོགས་ ཀྱི་ འཚོ་ བའི་ གནས་ སྟངས་ ང་ ལ་ བརྗོད་ ཅིང་ ། ཁྱེད་ ཀྱིས་ ཁྱེད་ ཀྱི་ མོ་ ལོ་ བཅུ་ དྲུག་ ནས་ བཟུང་ སྟེ་ ད་ ལྟ་ བར་ གྱི་ རང་ གི་ མི་ ཚེའི་ བརྒྱུད་ རིམ་ དག་ ཀྱང་ ང་ ལ་ མ་ གསང་ བར་ བརྗོད་ པ་ མ་ ཡིན་ ནམ། ཁྱེད་ ཀྱིས་ ང་ ལ་ གནམ་ ཐང་ ཞིག་ ནས་ བརྗོད་ ཐབས་ བྲལ་ བའི་ ཚོར་ བ་ དྲག་ པོ་ ཞིག་ དང་ མཉམ་ དུ་ ཐུག་ རྒྱུ་ བྱས་ པ་ དང་ ། ཁྱེད་ ཀྱིས་ ཁོམ་ པ་ ཡོད་ དུས་ ཁྱེད་ ཀྱི་ སྙན་ ཞིང་ འཇེབས་ པའི་ ངག་ སྒོ་ ལས་ ཐོན་ པའི་ ཨ་ མདོའི་ ལ་ གཞས་ གང་ མང་ ཞིག་ ལ་ རོལ་ མྱོང་ བྱེད་ དུ་ འཇུག་ རྒྱུ་ ཡིན་ ཞེས་ མ་ བརྗོད་ དམ། ད་ དུང་ ཁྱེད་ ཀྱིས་ ང་ ལ་ རང་ གི་ མི་ ཚེའི་ ལོ་ རྒྱུས་ འབྲི་ རུ་ འཇུག་ རྒྱུའི་ ཁས་ ལེན་ བྱས་ པ་ དང་ ། ཁྱེད་ ཀྱིས་ ང་ ལ་ རྒུན་ ཆང་ དམར་ པོ་ རེའི་ བྲོ་ བ་ མྱོང་ ཞོར་ ཁྲ་ ཆིལ་ དགུ་ ཆིལ་ གྱི་ མཐོ་ སྒང་ གི་ སྐར་ ཚོགས་ ལ་ མཉམ་ དུ་ བལྟ་ རྒྱུའི་ ཁས་ ལེན་ ཡང་ བྱས་ པ་ མ་ ཡིན་ ནམ།
ཁྱེད་ ཀྱིས་ ང་ ལ་ ཟི་ ལིང་ ནས་ དངུལ་ དཀར་ གྱིས་ བརྡུངས་ པའི་ མཛུབ་ དཀྲིས་ ཤིག་ ཉོ་ རྒྱུའི་ ཁས་ ལེན་ བྱས་ པ་ དང་ ། ངས་ ཁྱེད་ ལ་ ཁྱེད་ རང་ བཟའ་ རྒྱུར་ དགའ་ བའི་ ཨ་ རིའི་ ཤིང་ ཏོག་ ཞིམ་ པོ་ སྐོར་ ཞིག་ ཁྱེར་ ཡོང་ རྒྱུ་ བྱས་ པ་ མ་ ཡིན་ ནམ། ཁྱེད་ ཀྱིས་ འུ་ གཉིས་ ཀྱིས་ མི་ ཚེའི་ བྲོ་ བ་ མངར་ ཡང་ སྐྱུར་ ཡང་ མཉམ་ དུ་ རོལ་ རྒྱུའི་ ཁས་ ལེན་ བྱས་ པ་ དང་ ། ཁྱེད་ ཀྱིས་ འུ་ གཉིས་ དཔུང་ བ་ མཉམ་ གཤིབས་ ཀྱིས་ བོད་ ཀྱི་ ས་ ཆ་ ཡོངས་ རྫོགས་ ལ་ ལྗོངས་ རྒྱུར་ ཐེངས་ ཤིག་ འགྲོ་ རྒྱུའི་ རེ་ བ་ འདོན་ མྱོང་ བ་ མ་ ཡིན་ ནམ།
ཁྱེད་ ཀྱིས་ ངའི་ ཆེད་ དུ་ མཚན་ ཕྱེད་ ཆུ་ ཚོད་ གཉིས་ པ་ གསུམ་ པ་ བར་ དུ་ མ་ ཉལ་ བར་ སྙིང་ གཏམ་ དྲོན་ མོ་ གཅིག་ རྗེས་ གཉིས་ མཐུད་ དུ་ བྱོ་ བ་ དང་ ། ཁྱེད་ ཀྱིས་ ཚ་ མོ་ ཆུང་ ཆུང་ དེར་ ཉལ་ དུ་ རྒྱུགས་ ཞེས་ བརྗོད་ དེ་ འུ་ གཉིས་ ཀྱི་ སྙིང་ གཏམ་ གླེང་ འཕྲོ་ མུ་ མཐུད་ དེ་ བསྐྱངས་ པ་ མ་ ཡིན་ ནམ། ཁྱེད་ ཀྱིས་ འུ་ གཉིས་ ཀྱི་ བརྩེ་ དུང་ ལ་ བར་ ཆད་ མི་ འབྱུང་ ཆེད་ རྒྱལ་ ཁབ་ གསུམ་ པ་ ཞིག་ ནས་ མགྱོགས་ པོར་ ཐུག་ རྒྱུ་ དང་ ། ཁྱེད་ ཀྱིས་ གནམ་ ཐང་ དེར་ འབྲོག་ མོ་ ཞིག་ གི་ སྤོབས་ པས་ ལྡེངས་ ཚད་ ཀྱིས་ བརྩེ་ དུང་ གི་ རྣམ་ འགྱུར་ གང་ ཡོང་ ཅི་ ཡོང་ ཞིག་ སྟོན་ རྒྱུའི་ ཁས་ ལེན་ བྱས་ པ་ མ་ ཡིན་ ནམ།
ཁྱེད་ རང་ དེང་ སྐབས་ ནམ་ རྒྱུན་ ལས་ དོན་ ཆེད་ དུ་ འགྲོ་ སའི་ རྒྱལ་ ཁབ་ གསུམ་ པ་ དེའི་ གྲྭ་ པ་ ཆོས་ གོས་ སེར་ པོ་ ཅན་ མང་ སའི་ རྒྱལ་ ས་ རུ་ ཡོད་ དམ། ཡང་ ན་ རྒྱལ་ ཁབ་ དེའི་ ཐག་ རིང་ ཞིང་ དབེན་ འཇགས་ ཡིན་ པའི་ ལུང་ ཀྱོག་ བཟོ་ གྲྭ་ མང་ ས་ དེ་ རུ་ ཡོད། ཁྱེད་ རང་ ཚ་ གདུག་ མེ་ ལྟར་ འབར་ བའི་ རྒྱལ་ གར་ གྱི་ རྒྱལ་ ས་ ལྡི་ ལི་ རུ་ ཡོད་ དམ། ཡང་ ན་ མི་ ཚོགས་ དང་ བ་ ཕྱུགས་ ཀྱིས་ སྲང་ བར་ ཁེངས་ པའི་ རྒྱ་ གར་ ལྷོ་ ཕྱོགས་ ཀྱི་ གྲོང་ ཁྱེར་ ཆེན་ པོ་ སྦེང་ ལོར་ ན་ ཡོད།
ད་ ལྟ་ ངའི་ མཁའ་ དབྱིངས་ སུ་ ཟླ་ བ་ ཕྱེད་ ཀ་ ཞིག་ གིས་ ས་ གཞི་ དང་ རྒྱང་ ཐག་ རིང་ བའི་ གནས་ དེར་ ཁེར་ རྐྱང་ དུ་ འགྲུལ་ བཞུད་ བྱེད་ བཞིན་ འདུག་ པས། ངས་ རང་ དབང་ མེད་ པར་ དེ་ དུས་ ཀྱི་ དགོང་ མོ་ དེར་ ཁྱེད་ རང་ ཉི་ མའི་ འོག་ དང་ ང་ རང་ ཟླ་ བའི་ འོག་ ཏུ་ བསྡད་ དེ་ ཕན་ ཚུན་ གྱི་ སེམས་ ཁོང་ དུ་ སྙིང་ གཏམ་ གྱི་ བདུད་ རྩི་ འདྲེན་ རེས་ བྱས་ པ་ དེ་ ལྷང་ ངེར་ དྲན་ ཡོང་ ། ད་ དུང་ ངས་ ཉི་ ཟླའི་ འོག་ གི་ སྙན་ ངག་ ཅེས་ པའི་ འུ་ གཉིས་ ཀྱི་ བརྩེ་ འདང་ མཚོན་ པའི་ སྙན་ ངག་ རིང་ མོ་ ཞིག་ གི་ བློས་ བསླངས་ བཞེངས་ པ་ ཡང་ དྲན་ ཡོང་ །
ངས་ མཚན་ མོ་ མང་ པོ་ ཞིག་ གི་ རིང་ ལ་ ཞག་ གང་ རེར་ གློག་ ཀླད་ ཀྱི་ སྒོ་ ཕྱེས་ ནས་ ཁྱེད་ ཨེ་ ཡོང་ གི་ རེ་ སྒུག་ བྱས་ ཤིང་ ། ངས་ ཞོགས་ པ་ སྔ་ བོ་ མང་ པོ་ ཞིག་ ལ་ ཉལ་ སའི་ ནང་ ནས་ མགོ་ བཀྱགས་ ཏེ་ གློག་ ཀླད་ ལ་ ཅེར་ ནས་ ཁྱེད་ ལ་ ཨེ་ ཐུག་ གི་ རེ་ བ་ བཅངས། ང་ ཉི་ མ་ འདི་ ཚོར་ མཛེས་ སྡུག་ ལྡན་ པའི་ རི་ མགོ་ དང་ མཚོ་ འགྲམ་ གང་ དུ་ སོང་ ཡང་ སེམས་ གཏིང་ ཞིག་ ནས་ ཁྱེད་ གཅིག་ པོ་ མ་ གཏོགས་ དྲན་ རྒྱུ་ མི་ འདུག་ ལ། ངས་ ཉི་ མ་ འདི་ ཚོར་ རྒྱ་ ཟས་ བོད་ ཟས་ གང་ ཞིག་ ཟོས་ ཀྱང་ སྙིང་ དམར་ པོའི་ གཏིང་ རུམ་ ཞིག་ ན་ ཁྱེད་ གཅིག་ པོ་ ལྷོག་ ལྷོག་ ཏུ་ འཕྱུར་ བཞིན་ འདུག
སྙིང་ སྡུག་ མ་ ལགས། ཁྱེད་ རང་ རྒྱལ་ ཁབ་ གང་ ཞིག་ ཏུ་ ཡོད་ ཀྱང་ ང་ ལ་ འཕྲིན་ ཐུང་ ཞིག་ བསྐུར་ ནས་ ཁྱེད་ རང་ དྲན་ པའི་ ངའི་ སེམས་ པ་ འདི་ བདེ་ ལ་ ཐེངས་ ཤིག་ འབབ་ ཏུ་ འཇུག་ རོགས། ཁྱེད་ རང་ ས་ ཕྱོགས་ གང་ ཞིག་ ན་ ཡོད་ ཀྱང་ ང་ ལ་ ཁ་ པར་ ཞིག་ བཏང་ ནས་ ཁྱེད་ རང་ བདེ་ མོ་ འཚམ་ པོ་ ཡིན་ པའི་ གནས་ སྟངས་ ཚར་ གཅིག་ རྗོད་ རོགས། བརྡབ་ གསིག་ མང་ པའི་ མི་ ཚེ་ དང་ ས་ མཐར་ ལྷུང་ བའི་ སེམས་ གདུང་ གཉིས་ ཀྱི་ བར་ གླགས་ ནས། ངས་ ཁྱེད་ ཀྱིས་ ང་ ལ་ བཞག་ པའི་ བརྩེ་ གདུང་ གི་ གཏམ་ རྒྱུད་ སྙན་ མོ་ འདི་ འབྲི་ མཚམས་ ནམ་ ཡང་ འཇོག་ ན་ མི་ འདོད།
དོ་ དགོང་ ངས་ འཇར་ པན་ གྱི་ བརྩེ་ དུང་ གི་ གློག་ བརྙན་ ཞིག་ ལ་ བལྟས། དེའི་ ནང་ དུ་ བུ་ མོ་ ཞིག་ གིས་ རང་ གི་ འཆི་ ལ་ ཉེ་ བའི་ མཛའ་ བོའི་ སྐར་ མདའ་ ཐེངས་ ཤིག་ མཐོང་ ན་ འདོད་ པའི་ རེ་ བ་ སྐོང་ ཕྱིར། གྲོང་ སྡེ་ ཧྲིལ་ བོའི་ སྒོ་ རྩར་ བརྒྱུགས་ ནས་ དགོང་ མོའི་ ཆུ་ ཚོད་ དགུ་ པའི་ སྟེང་ ཁྱིམ་ ཚང་ ཡོངས་ རྫོགས་ ཀྱིས་ གློག་ གཞུ་ གསོད་ རྒྱུའི་ ཞུ་ བ་ འཐེན་ ཞིང་ ། མཐའ་ མར་ མོས་ རང་ གི་ མཛའ་ བོ་ ལག་ འབུད་ འཁོར་ ལོ་ ཞིག་ གི་ སྟེང་ དུ་ བཞག་ སྟེ་ གྲོང་ སྡེའི་ ཀླད་ ཀྱི་ ས་ སྟོང་ དེ་ རུ་ སོང་ ནས་ ཅང་ མ་ འགོར་ བར། གྲོང་ སྡེ་ ཧྲིལ་ བོས་ གློག་ གཞུ་ བསད་ པས་ ནམ་ མཁའ་ ཧྲིལ་ བོ་ སྔོ་ ནག་ ཏུ་ གྱུར་ ཅིང་ ། དེ་ ནས་ མོ་ དང་ མོའི་ མཛའ་ བོ་ འཆི་ ཁ་ མ་ གཉིས་ ཀྱིས་ སྐར་ མ་ བཅུའི་ རིང་ ལ་ མཚན་ མོའི་ ནམ་ མཁའ་ འོད་ ཀྱིས་ གཤེག་ བཞིན་ ཡལ་ འགྲོ་ བའི་ སྐར་ མདའ་ མང་ པོའི་ རྒྱུ་ འགྲུལ་ ལ་ ལྟད་ མོ་ ལྟ་ བཞིན་ པ་ ཞིག་ མཐོང་ བས། བུ་ མོ་ དེའི་ ཆེས་ དྭངས་ གཙང་ ལྷད་ མེད་ ཀྱི་ བརྩེ་ དུང་ གི་ སྒུལ་ ཤུགས་ མ་ ཐེགས་ པའི་ རྐྱེན་ གྱིས། རང་ དབང་ མེད་ པར་ ངའི་ མིག་ ཟུང་ ལས་ མཆི་ མ་ ལྷུང་ ལྷུང་ དུ་ བཞུར་ ཡོང་ ། ངས་ ངོ་ མ་ བཟོད་ ཐབས་ མ་ བྱུང་ ། བརྩེ་ དུང་ གི་ མདུན་ དུ་ ང་ ལ་ སྐྱེས་ ཕོ་ རབ་ ཅིག་ གི་ རང་ ཚུགས་ ཟེར་ བ་ ཞིག་ ཅི་ ཡང་ མི་ འདུག
གལ་ སྲིད་ ང་ རང་ ནད་ པ་ ཆགས་ པ་ ཡིན་ ན་ ཁྱེད་ ཀྱིས་ ང་ ལ་ འཇར་ པན་ བུ་ མོ་ དེ་ ནང་ བཞིན་ ལྟ་ སྐྱོང་ བྱེད་ རྒྱུ་ ཡིན་ ནམ། གལ་ སྲིད་ ང་ རང་ རྒན་ རྒོན་ ཆགས་ པ་ ཡིན་ ན་ ཁྱེད་ ཀྱིས་ འཇར་ པན་ བུ་ མོ་ དེ་ ཅི་ བཞིན་ ང་ ལ་ བྱམས་ སྐྱོང་ བྱེད་ ངེས་ ཡིན་ ནམ། ངས་ ཁྱེད་ ལ་ ནམ་ རྒྱུན་ ལན་ དུ་ མར་ བསྐྱོར་ པའི་ གཟུངས་ སྔགས་ ཤིག་ སྟེ། ཚེ་ སྔ་ ཕྱི་ ཤོར་ ན་ ལས་ དབང་ རེད། ཚེ་ འདི་ ནས་ མི་ བསྐྱུར་ ཐག་ ཆོད་ ཡིན་ ཞེས་ པ་ དེ་ ད་ ལྟ་ ཁྱེད་ ཀྱི་ རྣ་ ལམ་ དུ་ གྲག་ བཞིན་ ཡོད་ དམ། ངའི་ རྒྱང་ རིང་ གི་ སྙིང་ ཉེ་ བའི་ དྲ་ གྲོགས་ མ་ ལགས། ཧ་ ཅང་ ལྷིང་ འཇགས་ ཡིན་ པའི་ དོ་ དགོང་ ངས་ ཁྱེད་ ཧ་ ཅང་ དྲན་ ཞིང་ ། སེམས་ ཁམས་ བདེ་ ལ་ མི་ འབབ་ པའི་ དོ་ དགོང་ ངས་ ཁྱེད་ སྙིང་ དབུས་ ནས་ སྦར་ ཏེ་ མིག་ མཐའ་ རུ་ བསྐྱིལ།
ཉིན་ འདི་ ཚོར་ གྲོགས་ པོ་ གྲོགས་ མོ་ དག་ གིས་ ངའི་ ངོ་ མདངས་ མཐོང་ ནས་ ན་ གི་ འདུག་ གམ་ ཞེས་ དྲི་ བ་ རྫོགས་ མེད་ རེ་ འདྲི་ བཞིན་ འདུག་ ལ། བོད་ ཡུལ་ དུ་ བཞུགས་ པའི་ ཕ་ མ་ དང་ ཕུ་ ནུ་ ཚོར་ ཁ་ པར་ གཏོང་ དུས་ ཀྱང་ སེམས་ པ་ ལྷོད་ ལ་ འབབ་ ཐབས་ ཤིག་ རྩ་ བ་ ནས་ མི་ འདུག འདི་ ལྟར་ མི་ ཞིག་ གིས་ མི་ གཞན་ ཞིག་ གི་ སེམས་ ཁམས་ ཧྲིལ་ བོ་ བསྡམས་ ཚར་ དུས། ཞེ་ འདང་ ནི་ བྲག་ རི་ ཇི་ བཞིན་ བསྐལ་ བ་ མ་ འཇིག་ བར་ དུ་ ཉི་ འོད་ དང་ ཁ་ ཆར་ གྱི་ ཀློང་ ནས་ འགྱིང་ ཐུབ་ པར་ འདུག་ ལ། འདི་ ལྟར་ རྣམ་ ཤེས་ ཤིག་ གིས་ རྣམ་ ཤེས་ གཞན་ ཞིག་ ལ་ ཡོངས་ སུ་ དབང་ སྒྱུར་ བྱས་ ཟིན་ དུས། བརྩེ་ དུང་ ནི་ གཙང་ ཆེན་ ལྟ་ བུར་ ས་ ཆེན་ གྱི་ སྒང་ གཤོང་ གཤགས་ ཏེ་ མུ་ མེད་ ཀྱི་ རྒྱལ་ ཁམས་ བསྐོར་ ཐུབ་ ཀྱི་ འདུག
དེ་
ཉི་
ང་
ཁྱེད་
ཁྱེད་
ཁྱེད་
ཁྱེད་
ཁྱེད་
ཁྱེད་
ད་
ངས་
སྙིང་
དོ་
གལ་
ཉིན་
Subscribe to:
Post Comments
(Atom)
0 བསམ་ཚུལ་འདོན་པ།:
Post a Comment