བཀླགས་གྲངས་མང་ཤོས
-
ཆུ་མོ་གངྒྰ་ཤག་ཤག་རྒྱུ་བའི་དུས། ། སྟོན་ལོ་སེར་པོ་ལྷབ་ལྷུབ་འཕུར་བའི་དུས། ། གནམ་སྔོན་སྤྲིན་པ་རླུང་གིས་གཡོ་བའི་དུས། ། བ་གླང་ཁྱུ་ཞིག...
-
སྟོན་པ། ངའི་གཟན་སྣེ་མེ་རུ་འབར་སོང་། ཁྱོད་འཇིག་རྟེན་དུ་བཞུགས་དུས། གྲྭ་པ་རེ་རེའི་གཟན་སྣེ་རུ་ཞི་བདེའི་རླུང... -
མདང་དགོང་རྨི་ལམ་ཟ་ཟི་མང་ ཡང་ཁྱད་མཚར་བོ་ཞིག་ནི་དགོན་ཆེན་ཞིག་ས་འོག་ཏུ་ནུབ་བསྡད་ཡོད་ཅིང་། དགོན་བདག་བླ་མའི་ཞལ་རས་ལ་སྐྱོ་གཉེར་དགུ་བརྩེགས་ཤིག་བ...
-
ཨ་ རིར་ འབྱོར་ ནས་ ལོ་ མང་ སོང་ བ་ དང་ ། ། ཕན་ མི་ ཐོགས་ པའི་ ངོ་ ཤེས་ འགའ་ ཡང་ ཡོད། ། ད་ ནི་ སྒྲོ་ ལོར་ ལྗང་ ཁུ་ གསོག་ དུས་ འདིར། ། སོ...
-
མདང་དགོང་རྨི་ལམ་ཅུང་ཟད་ ཉུང་ཞིང་ད་ལྟ་དྲན་ཡུལ་དུ་གཅིག་ཀྱང་མི་འདུག ཆུ་ཚོད་བརྒྱད་པ་ཙམ་ལ་གཉིད་ལས་སད་བྱུང་། ཁྲུས་ཁང་གི་སྒེའུ་ཁུང་ལས་མཁའ་དབྱིང...
དྲ་རྒྱ་བཟོ་བཀོད་པ་བསོད་ནམས་འོད་ཟེར།
About Me
- སྨྱོན་པའི་འཇིག་རྟེན།
- མི་ཚེ་འཁྱོལ་ཙམ། ཡིག་ངོ་ཆོད་ཙམ། རྡོག་ལམ་མཐོང་ཙམ། ཤི་མ་གསོན་ཙམ།
Monday, 19 September 2011
ཀླུ་སྨྱོན།
—-
བོད་ཀྱི་ནང་ཆོས་དེ་རྒྱ་ གར་ནས་དར་ཁྱབ་བྱུང་བ་ཡིན་ཡང་བོད་ཀྱི་གྲྭ་པའི་ཆོས་གོས་དང་ཆ་ལུགས་སྤྱོད་ལམ་ སོགས་གནའ་བོའི་རྒྱ་གར་གྱི་འདུལ་འཛིན་ཆེན་པོ་དག་དང་ཡོངས་སུ་མི་འདྲ་བ་ཞིག་ ཡིན་ཞིང་། བོད་ཀྱི་གྲྭ་པའི་སྟོད་འགག་རྒྱན་དྲུག་མ་ཞིག་རྒྱ་གར་གྱི་དགེ་སློང་སེར་པོ་ཞིག་ གིས་མཐོང་ཚེ་དེ་ནི་ཁྱིམ་པ་འབྱོར་ལྡན་དག་གི་རྒྱན་གོས་ཤིག་ཏུ་ངོས་འཛིན་བྱེད་ པ་མ་གཏོགས་འདོད་ཆུང་ཆོག་ཤེས་ལ་གནས་དགོས་པའི་རབ་ཏུ་བྱུང་བ་ཞིག་གི་སྟོད་འགག་ ཡིན་པ་ཤེས་ཐབས་བྲལ།
དེ་བཞིན་བོད་ཀྱི་བླ་མ་དག་ གིས་གྱོན་བཞིན་པའི་གོས་ཆེན་གྱི་བེར་སེར་པོ་སྲམ་ལྤགས་ཀྱི་གོང་རྒྱན་ཅན་དེ་དག་ ཀྱང་སྟོན་པའི་འདུལ་བའི་བསྟན་པ་འཛིན་པར་འགྲན་ཟླ་བྲལ་བའི་ཤྲི་ལིངྐ་དང་ཐེ་ལན་ སོགས་ཀྱི་གནས་བརྟན་སྡེ་བའི་དགེ་སློང་ཚོར་ཆ་མེད་རྒྱུས་མེད་ཡིན་པ་དང་། བོད་ཀྱི་དགེ་བསྐོས་རྫིག་པོ་གདོང་བར་ཚོན་ནག་པོ་བྱུགས་ཤིང་ལག་ཏུ་ལྕགས་རྒྱུགས་ རྒྱ་མ་བརྒྱ་ལོངས་པ་དག་ཐོགས་ནས་འགྱིང་སྟབས་ཆེན་པོས་འགྲོ་བ་དག་ཀྱང་ཇོ་བོ་ཆེན་ པོས་གསུངས་པ་བཞིན་འབྱུང་བོའམ་མི་གང་ཡིན་མི་ཤེས་པའི་ཚོད་དུ་སྣང་ཐག་ཆོད་རེད།
སྐབས་སུ་བབ་པ་ནི་བོད་ཀྱི་ ཆོས་བརྒྱུད་རིས་མེད་ཀྱིས་གྱོན་བཞིན་པའི་གྲྭ་པའི་ཞྭ་མོ་རྔོག་ཟེ་མ་འདི་དག་གི་ སྐོར་ཡིན་ཞིང་། གནའ་བོའི་རྒྱ་གར་གྱི་གྲྭ་པ་དག་གིས་དེང་སང་གི་པཎ་ཞྭ་སྣེ་རིང་དེ་འདྲ་མནབས་ སྲོལ་ཡོད་པ་མ་གཏོགས། ཡུལ་དུས་ཀྱི་དབང་གིས་བོད་ཀྱི་གྲྭ་པའི་ཞྭ་མོ་རྔོག་ཟེ་མ་ལྕིད་ཁོག་ཚ་བོ་དེ་ འདྲ་གྱོན་གྱི་མེད་ཚོད་རེད། ང་ཚོས་བོད་ཀྱི་གྲྭ་པའི་སྟོད་འགག་གི་མགོ་ཁུངས་རྒྱ་གར་ནས་མ་རྙེད་པ་ཅི་བཞིན། ཞྭ་མོ་རྔོག་ཟེ་མ་འདི་དག་གི་མགོ་ཁུངས་ཀྱང་རྒྱ་གར་ཚ་བའི་ལུང་པ་ནས་མི་རྙེད་ཐག་ གིས་ཆོད།
ད་འོ་ན་ཞྭ་མོ་རྔོག་ཟེ་མ་ འདི་དག་ཀྱང་གྲྭ་པའི་སྟོད་འགག་ཅི་བཞིན་རྒྱ་ནག་གི་གནའ་བོའི་སྐུ་དྲག་ཚོའི་ གྱོན་ཆས་ལ་ཁུངས་བཅོལ་དགོས་སམ་ཟེར་ན། དེ་ལ་ངོས་ལེན་ཞུ་ཐབས་བྲལ་ཞིང་རྒྱུ་མཚན་ནི། གནའ་བོའི་རྒྱ་ནག་དང་སོག་པའི་ཞྭ་མོའི་ཁྲོད་དུ་ང་ཚོའི་ཞྭ་མོ་རྔོག་ཟེ་མ་དག་གི་ ཁུངས་སུ་འོས་པའི་ཞྭ་མོ་དེ་འདྲ་ཞིག་ལོ་རྒྱུས་གླེགས་བམ་དང་རི་མོ་རྙིང་པ་སོགས་ ལས་ད་སྔ་ཁོ་བོས་རྙེད་པར་མ་གྱུར།
དེས་ན་འདིར་ཞྭ་མོ་རྔོག་ ཟེ་མ་དག་གླེང་བས་ཅི་བྱ་ཞེ་ན། ཁོ་བོས་གླེང་འདོད་པ་ནི་ཞྭ་མོ་རྔོག་ཟེ་མ་འདི་དག་གི་མགོ་ཁུངས་ངོ་མ་དེ་ནི་བོད་ ཁ་བ་ཅན་ནས་ནུབ་ཕྱོགས་སུ་སྤྱི་ལེ་སྟོང་ཕྲག་མང་པོའི་ས་རུ་ཡོད་པའི་ཆེས་གནའ་ བོའི་རོ་མན་རྒྱལ་ཁབ་ཀྱི་དམག་མིའི་ཞྭ་མོ་རྔོག་ཟེ་མ་དེ་དག་ལ་མ་གཏུགས་རང་ གཏུགས་ཡིན་ཞིང་། ཡིད་མི་ཆེས་མཁན་དག་གིས་ཞྭ་མོ་འདི་གཉིས་ཀྱི་འདྲ་དཔེ་དག་ལ་ཞིབ་ལྟ་ཞིག་བྱས་ རྗེས། ཁོ་བོས་བརྗོད་པ་དག་ལ་བསམ་གཞིག་རེ་མི་བྱེད་ཐབས་མེད་དུ་འགྱུར་བར་འདོད་པ་དང་། ཀྱག་ཀྱོག་གི་ལོ་རྒྱུས་རིང་མོའི་ཁྲོད་དུ་རོ་མན་དམག་མིའི་ཞྭ་མོ་འདི་བོད་ཀྱི་ སེར་མོ་བའི་སྡེ་རུ་ཇི་ལྟར་དར་ཁྱབ་བྱུང་བ་ཡིན་ནམ་ཞེ་ན། གནའ་བོའི་བོད་དང་རྒྱ་ནག་གི་ས་མཚམས་སུ་ཡོད་པའི་དར་གོས་ཚོང་ལམ་ཞེས་པའི་ཤར་ ནུབ་རྒྱལ་ཁབ་དག་གི་བར་དུ་བསྲིངས་པའི་རིག་གཞུང་སྦྲེལ་ཐག་རིང་མོ་དེ་དང་ལམ་ཁ་ དེ་བརྒྱུད་ནས་རང་སྲོག་ལ་མི་འཛེམ་པར་ཆོས་ལུགས་འདྲ་མིན་སྤེལ་ཕྱིར་ཕྱི་རྒྱལ་ ཁག་ཏུ་འགྲུལ་བཞུད་བྱེད་པའི་ཆོས་སྤེལ་མཁན་དེ་ཚོ་མི་དྲན་རང་དྲན་རེད།
འོ་ན་རོ་མན་དམག་མིའི་ ཞྭ་མོ་འདི་དག་དུས་རབས་ནམ་ཞིག་ལ་བོད་དུ་དར་ཁྱབ་བྱུང་བ་ཡིན་ནམ་ཞེ་ན། ཁོ་བོའི་རྨོངས་བློར་འཆར་ཚུལ་ལྟར་ན། སོག་རྒྱལ་ལྷ་བཟང་གི་དུས་སུ་རོ་མན་གྱི་ཡེ་ཤུའི་ཆོས་སྤེལ་མཁན་གྱི་གྲྭ་པ་ཞིག་ བོད་དུ་ཡོང་བ་དེའི་སྐབས་དེ་དུས་ཤིག་ལ་རོ་མན་དམག་ཞྭ་འདི་བོད་དུ་དར་ཁྱབ་བྱུང་ བ་ལོས་ཡིན་འདོད་དེ། ཁོ་རང་ཡོང་སའི་རྒྱལ་ཁབ་དེ་རང་དུ་དམག་མི་ཚོས་ཞྭ་མོ་རྔོག་ཟེ་མ་འདི་གྱོན་བཞིན་ ཡོད་པ་དང་། རྒྱལ་པོ་ལྷ་བཟང་གིས་ཡེ་ཤུའི་གྲྭ་པ་དེར་གདེང་འཇོག་ཆེན་པོ་བྱས་ཏེ་བོད་སོག་གི་ དགེ་བཤེས་ཚོར་རྩོད་པ་རྒྱག་རྒྱུ་སོགས་ཁོའི་འདོད་པར་བསྟུན་ཡོད་པ་དང་། ཁོ་རང་སྐབས་དེའི་གྲྭ་ས་དག་ཏུ་མང་མང་གིས་ཤེས་པའི་ཕྱི་མི་ཤུགས་རྐྱེན་ཅན་ཞིག་ ཡིན་པས། ཁོས་སོག་རྒྱལ་ལ་ཞུས་ཏེ་ཞྭ་མོ་རྔོག་ཟེ་མ་འདི་དག་སེར་མོ་བའི་སྡེ་རུ་ཆེས་ཐོག་ མར་བཟོས་ཏེ་དར་སྤེལ་བཏང་བ་ཞིག་ལོས་ཡིན་འདོད། ད་དུང་བོད་ཀྱི་གྲྭ་པའི་ཟླ་གམ་དམར་པོ་དེ་ཚོ་ཡང་རོ་མན་གྱི་ཆོས་པ་ཚོའི་ཤམ་ལྭ་ དམར་པོ་དེ་དག་དང་འདྲ་བོ་ཞེ་དྲགས་འདུག་ཀྱང་དེ་སྐོར་རྗེས་སུ་གླེང་བར་བྱ།
Subscribe to:
Post Comments
(Atom)
0 བསམ་ཚུལ་འདོན་པ།:
Post a Comment