བཀླགས་གྲངས་མང་ཤོས
-
ཆུ་མོ་གངྒྰ་ཤག་ཤག་རྒྱུ་བའི་དུས། ། སྟོན་ལོ་སེར་པོ་ལྷབ་ལྷུབ་འཕུར་བའི་དུས། ། གནམ་སྔོན་སྤྲིན་པ་རླུང་གིས་གཡོ་བའི་དུས། ། བ་གླང་ཁྱུ་ཞིག...
-
སྟོན་པ། ངའི་གཟན་སྣེ་མེ་རུ་འབར་སོང་། ཁྱོད་འཇིག་རྟེན་དུ་བཞུགས་དུས། གྲྭ་པ་རེ་རེའི་གཟན་སྣེ་རུ་ཞི་བདེའི་རླུང... -
མདང་དགོང་རྨི་ལམ་ཟ་ཟི་མང་ ཡང་ཁྱད་མཚར་བོ་ཞིག་ནི་དགོན་ཆེན་ཞིག་ས་འོག་ཏུ་ནུབ་བསྡད་ཡོད་ཅིང་། དགོན་བདག་བླ་མའི་ཞལ་རས་ལ་སྐྱོ་གཉེར་དགུ་བརྩེགས་ཤིག་བ...
-
ཨ་ རིར་ འབྱོར་ ནས་ ལོ་ མང་ སོང་ བ་ དང་ ། ། ཕན་ མི་ ཐོགས་ པའི་ ངོ་ ཤེས་ འགའ་ ཡང་ ཡོད། ། ད་ ནི་ སྒྲོ་ ལོར་ ལྗང་ ཁུ་ གསོག་ དུས་ འདིར། ། སོ...
-
མདང་དགོང་རྨི་ལམ་ཅུང་ཟད་ ཉུང་ཞིང་ད་ལྟ་དྲན་ཡུལ་དུ་གཅིག་ཀྱང་མི་འདུག ཆུ་ཚོད་བརྒྱད་པ་ཙམ་ལ་གཉིད་ལས་སད་བྱུང་། ཁྲུས་ཁང་གི་སྒེའུ་ཁུང་ལས་མཁའ་དབྱིང...
དྲ་རྒྱ་བཟོ་བཀོད་པ་བསོད་ནམས་འོད་ཟེར།
About Me
- སྨྱོན་པའི་འཇིག་རྟེན།
- མི་ཚེ་འཁྱོལ་ཙམ། ཡིག་ངོ་ཆོད་ཙམ། རྡོག་ལམ་མཐོང་ཙམ། ཤི་མ་གསོན་ཙམ།
Thursday, 24 March 2011
དཔྱིད་ཀ
སྒལ་གཞུང་ལ་ཉི་འོད་དྲོན་པོ་དེ་ཕོག་པས།
ལུས་ཀྱི་བ་སྤུ་ཐམས་ཅད་ཀྱང་དཔྱིད་མགོའི་མེ་ཏོག་རེ་རེར་གྱུར་སོང་།
ཚེ་རིང་སྐྱིད།
འཛིན་མ་ཐུབ་པའི་དབྱར་ཁའི་འཇའ་ཚོན།
ཞུ་བ་ཐུབ་པའི་སེམས་ཀྱི་ཁ་བ།
མཁའ་མོ།
སྙན་འཇེབས་ཀྱི་གླུ་སྐད་དེས་ལུས་སེམས་ལྷོད་ལ་འབབ་ཏུ་བཅུག་རྗེས།
དྭངས་གཙང་གི་དགོད་སྒྲ་དེས་ཕ་ཡུལ་གྱི་རི་ཀླུང་དྲན་པར་བྱས་སོང་།
ཁོ་རེ་ཡའི་གློག་བརྙན།
མིག་ཆུ་ཡོད་ཚད་ཤོག་བུ་ལེབ་མོ་རེ་རེར་བསྟིམས་ཚར་རྗེས།
ཤུལ་དུ་བཞག་པ་ནི་སྐྱོ་གདུང་དང་སྒྱུ་རྩལ་གྱི་བསྡུས་གཟུགས་འབའ་ཞིག་རེད།
ཉལ་ཁང་།
ཕྱོགས་གཅིག་ཉལ་ཁྲི་དང་བརྙན་འཕྲིན་གྱིས་བདག་ཏུ་བཟུང་ཚར་འདུག
ཕྱོགས་གཅིག་དཔྱིད་མགོའི་མེ་ཏོག་དང་གྲོག་མ་སྐྱ་བོ་ཚོའི་འཇིག་རྟེན་རེད་འདུག
གློག་ཀླད།
འདིའི་ནང་ནས་བརྩམས་ཆོས་དག་འཛམ་གླིང་གི་གྲུ་ཟུར་གང་སར་འཕུར་སོང་།
འདིའི་ནང་ནས་སེམས་པ་གཉོམ་པོ་དེ་རང་དབང་མེད་པར་བུ་མོ་གཞན་ལ་ཤོར་སོང་།
སོ་ཐར་གྱི་སྡོམ་པ།
སོ་སོའི་རྣམ་ཤེས་ཐར་པའི་ལམ་དུ་འདྲེན་ཐུབ་པའི་སྐྱ་རེངས་ཤིག་ཏུ་ཡང་བགྲངས་འདུག
སོ་སོའི་ལུས་པོ་སྒུལ་སྐྱོད་མེད་པར་དམ་དུ་འདོགས་པའི་ལྕགས་ཐག་ཅིག་ཏུ་ཡང་སྣང་འདུག
མཁའ་སྤྱོད་མ།
མྱོས་བུམ་ལྷུག་ལྷུག་སྐྱོད་དུས་ས་གཞི་བར་སྣང་ཐམས་ཅད་ལ་བདེ་དྲོད་ཀྱིས་ཁྱབ་འགྲོ
བྷ་ག་ཆེ་ཆེར་གདངས་དུས་རྣམ་ཤེས་ལྡན་ཚད་ཀྱི་སེམས་ཁོང་མེ་ལྕེ་ཡིས་ཚིག་འགྲོ
མུན་ནག
འདིའི་ཀློང་ན་སྐྱེ་བོ་ཐམས་ཅད་འདོད་ཆགས་ཆེན་པོའི་ངང་ཕན་ཚུན་གྱི་ནང་དུ་བཞུར་རེས་བྱེད།
འདིའི་ཀློང་དུ་རྣམ་ཤེས་ཐམས་ཅད་རྨི་ལམ་ཟ་ཟི་བརྒྱུད་རང་དབང་གིས་འགྲུལ་བཞུད་སྣ་ཚོགས་བྱེད།
ཤེལ་ཕོར་སྟོང་པ།
ས་རྡུལ་ཆགས་ནས་ཉིན་ཞག་ག་ཚོད་ཕྱིན་མིན་མི་ཤེས་པའི་ཁྱོད་དང་ངེད་གཉིས།
ཅོག་ཙེ་རྙིང་པ་ཞིག་གི་ཁ་གཏད་དུ་འགྲེང་སྟེ་རང་རང་གི་སྐྱོ་གདུང་རྗོད་རེས་བྱེད་ཡ།
ལག་ཁྱེར་ཁ་པར།
འཇར་པན་ཞི་མོ་དེས་ཟླ་བ་རེ་རེ་བཞིན་ཁྱོད་ཀྱི་ཆེད་དུ་སྒོར་མོ་བསྐུར་དགོས་པ་དེ་བསམས་ན།
ངས་ཁྱོད་རང་བརྒྱུད་དེ་བརྗོད་པའི་སྡུག་གཏམ་ཡོད་ཚད་ཀྱང་སྒོར་མོ་རྐྱང་རྐྱང་རེད་ཨང་།
འདིར་མཆན་འདེབ་ན་སྒོ་བརྒལ་དྲ་བར་ནང་འཛུལ་བྱས་རྗེས་མ་གཏོགས་མཆན་འབྲི་མི་ཐུབ།
Subscribe to:
Post Comments
(Atom)
ཡང་བྲིས་པ་ཚང་མ་ཡལ་འགྲོ་གི་རེད་པ། ངོ་མ་བསྐྱར་འབྲི་ཡང་འབྲི་བྱེད་རྒྱུ་འདི་ལ་ཚགས་དཀའ་ཡོང་གི
ReplyDelete