བཀླགས་གྲངས་མང་ཤོས
-
ཆུ་མོ་གངྒྰ་ཤག་ཤག་རྒྱུ་བའི་དུས། ། སྟོན་ལོ་སེར་པོ་ལྷབ་ལྷུབ་འཕུར་བའི་དུས། ། གནམ་སྔོན་སྤྲིན་པ་རླུང་གིས་གཡོ་བའི་དུས། ། བ་གླང་ཁྱུ་ཞིག...
-
སྟོན་པ། ངའི་གཟན་སྣེ་མེ་རུ་འབར་སོང་། ཁྱོད་འཇིག་རྟེན་དུ་བཞུགས་དུས། གྲྭ་པ་རེ་རེའི་གཟན་སྣེ་རུ་ཞི་བདེའི་རླུང... -
མདང་དགོང་རྨི་ལམ་ཟ་ཟི་མང་ ཡང་ཁྱད་མཚར་བོ་ཞིག་ནི་དགོན་ཆེན་ཞིག་ས་འོག་ཏུ་ནུབ་བསྡད་ཡོད་ཅིང་། དགོན་བདག་བླ་མའི་ཞལ་རས་ལ་སྐྱོ་གཉེར་དགུ་བརྩེགས་ཤིག་བ...
-
ཨ་ རིར་ འབྱོར་ ནས་ ལོ་ མང་ སོང་ བ་ དང་ ། ། ཕན་ མི་ ཐོགས་ པའི་ ངོ་ ཤེས་ འགའ་ ཡང་ ཡོད། ། ད་ ནི་ སྒྲོ་ ལོར་ ལྗང་ ཁུ་ གསོག་ དུས་ འདིར། ། སོ...
-
མདང་དགོང་རྨི་ལམ་ཅུང་ཟད་ ཉུང་ཞིང་ད་ལྟ་དྲན་ཡུལ་དུ་གཅིག་ཀྱང་མི་འདུག ཆུ་ཚོད་བརྒྱད་པ་ཙམ་ལ་གཉིད་ལས་སད་བྱུང་། ཁྲུས་ཁང་གི་སྒེའུ་ཁུང་ལས་མཁའ་དབྱིང...
དྲ་རྒྱ་བཟོ་བཀོད་པ་བསོད་ནམས་འོད་ཟེར།
About Me
- སྨྱོན་པའི་འཇིག་རྟེན།
- མི་ཚེ་འཁྱོལ་ཙམ། ཡིག་ངོ་ཆོད་ཙམ། རྡོག་ལམ་མཐོང་ཙམ། ཤི་མ་གསོན་ཙམ།
Sunday 27 March 2011
དཔྱིད་ཀ་ཤར་བྱུང་ལ་དཔྱིད་རླུང་ཡང་ལྡང་བྱུང་།
མེ་འཁོར་ལྕགས་ལམ་གྱི་གཡས་གཡོན་དུ་རྩྭ་ལྗང་གི་མྱུ་གུ་འབུས་སོང་།
དེའི་ཐག་ཉེ་ས་རུ་རྒྱ་མཚོའི་རྦ་རླབས་བྲག་ལ་རྡེབ་པའི་ཆལ་ཆིལ་གྱི་རོལ་དབྱངས་ཤིག་ཀྱང་གྲག་བཞིན་འདུག
བྱིས་པ་ཆུང་ཆུང་ཚོས་མཚོ་འགྲམ་གྱི་བྱེ་མའི་སྟེང་དུ་རྩེད་མོ་རྩེད་བཞིན་ཡོད་ཅིང་།
མི་དར་མ་དག་གིས་བྱེ་མ་ཚ་བོའི་ནང་དུ་དམར་ཧྲེང་ངང་གཟུགས་པོ་ཉི་མར་ལྡེ་བཞིན་འདུག
ཕོ་མོ་གཉིས་ཀྱིས་ལག་འཇུ་བྱེད་བཞིན་བུད་སོང་།
དེ་ཡང་དཔྱིད་མགོའི་མེ་ཏོག་གི་བར་གསེང་ནས་ཡལ་སོང་།
དེ་ནི་ལོ་ངོ་སྟོང་ཕྲག་གི་རྨི་ལམ་ཞིག་དང་འདྲ་བ་ལ།
དེ་ནི་མི་ཚེ་རིང་མོ་ཞིག་གི་དྲན་ཤིང་འདྲ་བ་ལ།
ཉི་འོད་སྨུག་སྤྲིན་ལས་གསེག་སྟེ་འཕྲོ་བཞིན་ཡོད་ཅིང་།
ཆུ་བྱ་དཀར་པོའི་ཚོགས་ཀྱིས་སྐད་སྙན་འབྱིན་བཞིན་རྒྱ་མཚོའི་བར་སྣང་དུ་འཕུར་ལྡིང་བྱེད།
འདི་ནི་སྦ་སྦི་རོ་སིའི་*རི་མོ་གསར་བ་ཞིག་ཡིན་ནམ།
ཡང་ན་མདང་དགོང་གི་རྨི་ལམ་ཞིག་གི་རྨི་འཕྲོ་ཡིན།
གང་ལྟར་དྲ་ཐོག་ནས་ཐུག་པའི་ཞི་མོ་དེའི་དགོད་སྒྲ་སྙན་མོ་དེས་བཟི་བའི་ང་རང་སྟེ།
ཟླ་བ་གཅིག་ལ་སེམས་ཁོང་འཁྱག་ལ་འབྱར་བའི་བྱིས་པ་བསམ་མེད་ངས།
མི་ཚེ་འདི་ཡུན་ཐུང་ཞིང་དགའ་སྡུག་རེས་མོས་སུ་འཁོར་བའི་ངང་ཚུལ་ལ་བསམ་སྟེ།
ད་ནས་བཟུང་རང་སེམས་ཀྱི་གྲུ་ཟུར་ཀུན་ཏུ་དཔྱིད་མགོའི་མེ་ཏོག་འདེབ་མགོ་བརྩམས་ཤིང་།
རང་ལུས་ཀྱི་སྒང་གཞོང་ཀུན་ཏུ་དཔྱིད་རླུང་གི་རྒྱུ་ལམ་ཕྱེས་པ་ཡིན།
* Bob Ross དུས་རབས་ཉི་ཤུ་བའི་ནང་གི་ཨ་རིའི་རི་མོ་བ་གྲགས་ཅན་ཞིག་ཡིན་ཞིང་། གོང་གི་རི་མོ་དེ་ཡང་ཁོང་གིས་བྲིས་པ་ཞིག་ཡིན།
Subscribe to:
Post Comments
(Atom)
0 བསམ་ཚུལ་འདོན་པ།:
Post a Comment