བཀླགས་གྲངས་མང་ཤོས
-
ཆུ་མོ་གངྒྰ་ཤག་ཤག་རྒྱུ་བའི་དུས། ། སྟོན་ལོ་སེར་པོ་ལྷབ་ལྷུབ་འཕུར་བའི་དུས། ། གནམ་སྔོན་སྤྲིན་པ་རླུང་གིས་གཡོ་བའི་དུས། ། བ་གླང་ཁྱུ་ཞིག...
-
སྟོན་པ། ངའི་གཟན་སྣེ་མེ་རུ་འབར་སོང་། ཁྱོད་འཇིག་རྟེན་དུ་བཞུགས་དུས། གྲྭ་པ་རེ་རེའི་གཟན་སྣེ་རུ་ཞི་བདེའི་རླུང... -
མདང་དགོང་རྨི་ལམ་ཟ་ཟི་མང་ ཡང་ཁྱད་མཚར་བོ་ཞིག་ནི་དགོན་ཆེན་ཞིག་ས་འོག་ཏུ་ནུབ་བསྡད་ཡོད་ཅིང་། དགོན་བདག་བླ་མའི་ཞལ་རས་ལ་སྐྱོ་གཉེར་དགུ་བརྩེགས་ཤིག་བ...
-
ཨ་ རིར་ འབྱོར་ ནས་ ལོ་ མང་ སོང་ བ་ དང་ ། ། ཕན་ མི་ ཐོགས་ པའི་ ངོ་ ཤེས་ འགའ་ ཡང་ ཡོད། ། ད་ ནི་ སྒྲོ་ ལོར་ ལྗང་ ཁུ་ གསོག་ དུས་ འདིར། ། སོ...
-
མདང་དགོང་རྨི་ལམ་ཅུང་ཟད་ ཉུང་ཞིང་ད་ལྟ་དྲན་ཡུལ་དུ་གཅིག་ཀྱང་མི་འདུག ཆུ་ཚོད་བརྒྱད་པ་ཙམ་ལ་གཉིད་ལས་སད་བྱུང་། ཁྲུས་ཁང་གི་སྒེའུ་ཁུང་ལས་མཁའ་དབྱིང...
དྲ་རྒྱ་བཟོ་བཀོད་པ་བསོད་ནམས་འོད་ཟེར།
About Me
- སྨྱོན་པའི་འཇིག་རྟེན།
- མི་ཚེ་འཁྱོལ་ཙམ། ཡིག་ངོ་ཆོད་ཙམ། རྡོག་ལམ་མཐོང་ཙམ། ཤི་མ་གསོན་ཙམ།
Tuesday 29 March 2011
ཞོགས་པར་ཉི་འོད་དྲོན་པོ་ཞིག་གིས་གྲོང་ཁྱེར་འདི་ཡོངས་སུ་ཁྱབ་སོང་།
ཞོགས་པར་དཔྱིད་རླུང་འཇམ་པོ་ཞིག་གིས་ས་ཆ་འདི་རེ་ཞིག་དཀྲིས་སོང་།
མལ་ལས་ལངས་སྔ་བས་ཡིན་ནམ་གཉིད་ལྕོགས་ཡང་མོ་རེ་ད་དུང་རྒྱག་བཞིན་འདུག
ཨ་སྒོར་བཞི་བརྒྱ་ཅན་གྱི་པར་ཆས་དང་སྒྲ་ལེན་འཕྲུལ་ཆས།
ད་དུང་འབྲི་དེབ་ཆུང་ཆུང་ཞིག་དང་སྨྱུ་གུ་ཞིག
ཆུ་གྲང་མོ་དམ་བི་གང་དང་ཨ་སྒོར་ལྔ་བཅུ།
འདི་དག་འཁུར་ཁུག་ཏུ་བཅུག་སྟེ་ལམ་ལ་ཆས།
གྲོང་ཁྱེར་གྱི་ཕྱི་རོལ་ནི་འཇིག་རྟེན་གཞན་ཞིག་སྟེ།
རྩྭ་ལྗང་གི་དྲི་ངད་ཀྱིས་ཡོངས་སུ་ཁྱབ་པའི་མཁའ་དབུགས་གསར་པ་དང་།
ལུག་བལ་བརྩེགས་འདྲའི་སྤྲིན་དཀར་གསར་བ།
སྔོ་ཞིང་བསང་བའི་ནམ་མཁའ་གསར་བ།
རི་མོར་བྲིས་འདྲའི་ཞིང་གྲོང་གསར་པ།
བུད་མེད་དག་གི་ཡིད་དབང་འཕྲོག་པའི་ངོ་གདོང་གསར་པ།
བྱིས་པ་དག་གི་ཡིད་དུ་འོང་བའི་རྩེད་མོ་གསར་བ།
དེ་དག་གིས་ངའི་སེམས་པ་ཡོངས་སུ་བཀུགས་སོང་བས།
སྙན་ངག་པ་ཞིག་གི་ཚོར་བ་དང་།
སྒྱུ་རྩལ་པ་ཞིག་གི་འགན་ཁུར་ཡང་བརྗེད་ཟིན་པ་འདྲ་སྟེ།
གོམ་མཚམས་འཇོག་མ་ཕོད་པར་དབུགས་འཚང་བཞིན་གྲོང་གསེབ་ནས་གྲོང་གསེབ་ཏུ་བསྐྱོད།
བུད་མེད་འདི་ཚོའི་དགོད་སྟངས་གསར་པ་དང་།
ཁོང་ཚོའི་འཕོང་ཚོས་འགུལ་སྟངས་གསར་པ།
ད་དུང་བྲང་ངོས་ཀྱི་མྱོས་བུམ་འགུལ་སྟངས་གསར་པ་འདི་དག་གིས།
གདོན་འདྲེ་ཇི་བཞིན་ངའི་བླ་སྲོག་ཡོངས་སུ་བཀུགས་ཚར་སོང་།
གཤིན་རྗེ་ལྟ་བུར་ངའི་རྣམ་ཤེས་བཙན་གྱིས་ཁྱེར་སོང་།
ཕྱུགས་ར་ཆུང་ཆུང་ཞིག་གི་འཁྲིས་སུ།
ང་རང་དབང་མེད་དུ་ས་ལ་འགྱེལ་སོང་།
དུས་ཚོད་ཅི་ཙམ་འགོར་བ་མ་ཤེས་ཀྱང་།
ཡུན་རིང་ཞིག་གི་རྗེས་སུ་ངའི་རྣ་ལམ་དུ་ཁྱི་ཕྲུག་ཆུང་ཆུང་ཞིག་གི་ཟུག་སྐད་གྲགས་བྱུང་ལ།
བུད་མེད་ཅིག་གི་དྭངས་ཤིང་སྙན་པའི་དགོད་སྒྲ་ཡང་གྲགས་སོང་།
མགོ་བོ་དགྱེ་ཞིང་མིག་ཟུང་ཕྱེས་ནས་ལྟ་དུས།
ངའི་ལུས་ཀྱི་ལྭ་བ་དག་ཡོངས་སུ་བཤུས་ཚར་འདུག
ང་རང་རྩྭ་ལྗང་ལས་གྲུབ་པའི་མལ་སྟན་ཞིག་གི་སྟེང་དུ་གན་རྐྱལ་ངང་ཉལ་འདུག
ད་དུང་སྣ་ལམ་དུ་འོ་དྲི་ཞིམ་པོ་ཞིག་བར་མེད་དུ་ལྡང་བཞིན་འདུག
རབ་རིབ་དང་ཟ་ཟི་ཡིན་པའི་ཚོར་སྣང་ཞིག་ལ།
གནས་འདི་རུ་ངའི་ཁྱིམ་གཞིས་གསར་བ་དེ་ཡོད་ཅིང་།
ངའི་མཛའ་མོ་གསར་པ་ཞིག་གིས་ཀྱང་ངོ་གདོང་འཛུམ་གྱིས་ཁེངས་ནས་ང་ལ་བསྒུགས་འདུག་ཅིང་།
མཛའ་མོའི་ལུས་སྟེང་ནས་དྲི་ཞིམ་གསར་པ་ཞིག་ཀྱང་ལྕགས་ཀྱུ་བཞིན་ངའི་སྙིང་གར་བཏབ་བྱུང་།
ཡིན་ན་ཡང་ཆེས་འཇིགས་སུ་རུང་བ་ཞིག་སྟེ།
བར་སྣང་ཁམས་ནས་བྱ་རྒོད་གྲངས་མེད་ཅིག་ངའི་འཁྲིས་སུ་བབས་བྱུང་ལ།
དེ་དག་གིས་ལྟོགས་སྐོམ་གྱིས་གཟིར་བའི་ངར་སྐད་སྣ་ཚོགས་འདོན་བཞིན།
ག་ལེར་ངའི་ལུས་སྟེང་དུ་ཕྲ་ཞིང་རྣོ་བའི་མཆུ་རྩེ་རེ་རེ་བཞིན་བཙུགས་བྱུང་།
དུས་ཚོད་ཅི་ཙམ་འགོར་བ་མ་ཤེས་པའི་ངང་དུ།
ཁོ་ཚོས་ངའི་ཤ་ཁྲག་རུས་གསུམ་ལྷོད་ལྷོད་ངང་ལོངས་སུ་སྤྱད་ཚར་སོང་།
ཤུལ་དུ་ལྷགས་པ་ནི་ངའི་སྐྲ་རྐང་ཉག་མ་ཁ་ཤས་དང་དུང་སོ་དཀར་པོ་འགའ་ཙམ་རེད།
ད་ནི་ངའི་རྣམ་ཤེས་ཀྱང་གཅེར་བུར་བུད་པ་འདྲ་སྟེ།
དབང་མེད་དུ་གྲང་སྣང་ཞིག་དང་ཚ་སྣང་ཞིག
ད་དུང་སྐྲག་སྣང་ཞིག་དང་འཇིགས་སྣང་ཞིག་ཀྱང་སྐྱེས་བྱུང་།
གསོལ་འདེབས་ཤིག་གི་སྣེ་ནས་གཉིད་ལས་སད་པ་ལྟར་གྱུར་དུས།
ང་རང་ད་དུང་རང་གི་ཉལ་ཁྲིའི་སྟེང་ཉལ་ནས་བསྡད་འདུག་ལ།
ཉི་འོད་སེར་པོ་ཞིག་སྒེའུ་ཁུང་བརྒྱུད་དེ་ངའི་སྔས་མགོར་འཕྲོས་འདུག
དཔྱིད་རླུང་འཇམ་པོ་ཞིག་སྒོ་སྲུབ་མྱུལ་ནས་ངའི་ལུས་པོར་འཁྱུད་བྱུང་།
ད་ནི་མགྱོགས་པོར་མལ་ལས་ལངས་ཏེ་ཕྱི་རོལ་ཏུ་སྙན་ངག་ཅིག་འཐུ་རུ་འགྲོ་དགོས་བྱུང་།
Subscribe to:
Post Comments
(Atom)
This comment has been removed by the author.
ReplyDelete